NAVENDA NÛÇEYAN - Wekîlên Partiya Karkeran û muxalefeta sereke Partiya Muhafazakar jî di nav de, zêdetirî 70 wekîl û Lordên Ingilistanê ji bo Rojava ji Wezîrê Karên Derve yê Ingilistanê Yvette Cooper re name şand. 

 

Li Ingilistanê ji Partiya Karkeran a li desthilatdariyê heta Partiya Muhafazakar, ji gelek partiyan zêdeyî 70 parlamenter û Lordan nameyek ji Wezîra Karên Derve ya Ingilistanê Yvette Cooper re şandin û diyar kirin ku li ser gelê Kurd ê li Rojava gefeke tundiyê ya nêz û rasteqîn heye. Di nameyê de ji hikûmetê hate xwestin ku ji bo Kurdan tavilê bikeve nava liv û tevgerê. Parlamenter û Lordan got: “Ev welat minetdarê gelek jin û mêr ên Kurd e ku bi salan li dijî terora DAIŞ'ê bi wêrekî li ber xwe dan. Gavên ku di vê dema zehmet de bêne avêtin wê bibe bersiva herî kêm a vî deynê wan ê li me."

 

Ji partiyên siyasî yên li Ingilistan, Îrlanda Bakur, Wales û Skoçyayê yên Qraliyeta Yekbûyî zêdeyî 70 parlamenter, Lord û kesayetan têkildarî êrişên li ser Rojava, fikar û daxwazan nameyek ji Wezîra Karên Derve ya Ingilistanê Yvette Cooper re nameyek şandin.

 

Ji Partiya Karker (Labour) a li desthilatdariyê, ji Muhafazakaran (Conservative) a muxalefeta bingehîn, Demokratên Lîberal, Plaid Cymru ya ji Walesê, Scottish National Party (SNP) a ji Skoçyayê, Partiya Keskan (Green Party), Democratic unionist Party (DUP) û Sinn Fein a ji Îrlanda Bakur gelek parlamenter û Lordan mohra xwe danîn binê nameyê.

 

‘EM JI BER REWŞA HEYÎ BIFIKAR IN’ 

 

Di nameyê de wiha hate gotin: “Em weke koma ji parlamenter û Lordan a di ser partiyan re ji we re dinivîsînin; ji ber ku civaka Kurd bi gefeke rasteqîn û nêz a tundiyê re rû bi rû ye. Em ji ber rewşa ewlekariyê ya li Bakur û Rojhilatê Sûriyeyê bi fikar in ku bi lez nebaş dibe."

 

‘KOÇBERÎ ZÊDE BÛYE’

 

Di nameyê de hate ragihandin ku ji ber êrişên li ser HSD'ê bi sed hezaran mirov koçber bûn û wiha hate gotin: “Çend rojên dawî, piştî vekişîna Hêzên Sûriyeya Demokratîk (HSD) ên cîhana rojava piştgiriya wan dike, hêzên ser bi Serokkomar Ahmed el-Şaraa li Bakur û Rojhilatê Sûriyeyê bandor û hêza xwe zêde kir. Li gorî raporên cihê baweriyê, li ser sivîlan rîskeke cidî heye; rayedarên xwecihî diyar dikin ku zêdeyî 150 hezar kes ji cih û warê xwe bûne. Meqamên Sûriyeyê jî piştrast kirin ku li gel hişyariyên têkildarî cebilxaneyên neteqiyayî û mayinan bi hezaran sivîl ji herêmê reviyan."

 

RÊXISTINÊN 

 

Di nameyê de îşaret bi êrişên rêxistinên cîhadîst ên di lîsteya mueyîdeyan a Ingilistanê de ne yên li hemberî HSD'ê hate kirin û wiha domiya: “Vekişîna HSD'ê weke bersiva li êrişên hêzên Hikûmeta Sûriyeyê ya yekser pêk hat; di nava van hêzan de yekîneyên yekser têkiliya xwe bi Heyet Tehrîr El Şam re heye, hene. Ev jî Tumena Hamza, Tumena Sûltan Mûrad û Tumena Sûltan Suleyman Şah e û ji ber rola van a di êrişên li hemberî sivîlan de ketine ber rejîma pêkanînê ya Qraliyeta Yekbûyî."

 

XETEREYA ZÊDEBÛNA TUNDIYÊ 

 

Parlamenter û Lordên Qraliya Yekbûyî diyar kirin ku rîsk heye, tundiya heyî hîn bêhtir zerarê bide sivîlên bêguneh û nifûsa Kurdan a xwecihî.

 

Di dewama nameyê de işaret bi vekişîna HSD'ê ji Kampa Holê hate kirin û hate gotin, "Li vê kampê malbatên têkildarî DAIŞ'ê dihatin ragirtin û vekişîn ji ber bombardûmanê û êrişên hêzên Hikûmeta Sûriyeyê pêk hat. Bi heman rengî HSD neçar ma ku xwe ji Kampa El Şeddadê jî vekişîne ku nêzî 2 hezar şervanên DAIŞ'ê lê dihatin ragirtin. Ev yek têkildarî paşeroja şervanên DAIŞ'ê û ewlekariya herêmî û neteweyî bû cihê fikaran."

 

Di nameyê de hate ragihandin ku Kurd yek ji mutefîkên herî xurt ên Qraliyeta Yekbûyî ye û hate gotin, "Dema ku mirov biryardariya Kurdan a awarte ya ji bo têkbirina DAIŞ'ê ya li Sûriyeyê li ber çavan bigirin, wê bê dîtin ku Qraliyeta Yekbûyî xwedî wê berpirsyariyê ye ku piştgiriyê bide Kurdan."

 

Di nameyê de hate destnîşankirin ku bûyerên diqewimin tenê bi daxuyaniyên têkildarî fikaran nikare ji holê bê rakirin û hate gotin, divê Qraliyeta Yekbûyî li gel hevkarên xwe yên herêmî û navneteweyî ji bo parastina gelê Kurd ê li Bakur û Rojhilatê Sûriyeyê û çareseriyeke demdirêj û mayinde bersiveke bi lez bide û bi biryardarî vî karî koordîne bike.

 

DAXWAZÊN HATINE KIRIN 

 

Parlamenter û Lordan bi lezgînî ev daxwaz kirin:

 

* Li hemberî tundiya li sivîlan sekneke zelal bê nîşandan û piştgirî ji çareseriyeke siyasî ya demdirêj re bê dayin ku hurmetê nîşanî mafên hindikahiyên li Sûriyeyê dide.

 

* Nirxandina bicihanîna pêkanînên li ser kes û saziyên ji tundiya li hemberî sivîlan berpirsyar in.

 

* Ji bo pêşîgirtina li bilindbûna rageşiya leşkerî û ji bo parastina sivîlan bi hevalbendên herêmî û navneteweyî re hewldanên dîplomatîk bêne zêdekirin.

 

* Alîkariya mirovî ya têrker ji civakên li Bakur û Rojhilatê Sûriyeyê re bê şandin û ev alîkarî bi rengekî ewle radestî herêmê bê kirin."

 

PARLAMENTER Û LORDÊN NAME ÎMZE KIRIN

 

Parlamenter û Lordên ku mohra xwe danîne binê nameyê:

 

Partiya Karkeran (Labour Party)

 

Luke Akehurst MP

 

Dr Rosena Allin-Khan MP

 

Dr Scott Arthur MP

 

Richard Baker MP

 

Alex Ballinger MP

 

Chris Bloore MP

 

Dawn Butler MP

 

Maureen Burke MP

 

Ruth Cadbury MP

 

Sarah Champion MP

 

Bambos Charalambous MP

 

Feryal Clark MP

 

Dr Beccy Cooper MP

 

Stella Creasy MP

 

Jim Dickson MP

 

Mary Kelly Foy MP

 

Daniel Francis MP

 

Terry Jermy MP

 

Kim Johnson MP

 

Peter Lamb MP

 

Siobhain McDonagh MP

 

John McDonnell MP

 

Navendu Mishra MP

 

Grahame Morris MP

 

Chi Onwurah MP

 

Kate Osborne MP

 

Toby Perkins MP

 

Marie Rimmer MP

 

Oliver Ryan MP

 

Sarah Smith MP

 

Alex Sobel MP

 

Kirsteen Sullivan MP

 

Henry Tufnell MP

 

Derek Twigg MP

 

Chris Webb MP

 

Nadia Whittome MP

 

Sean Woodcock MP

 

Partiya Muhafazakar (Conservative Party)

 

Gavin Williamson MP

 

Demokratên Lîberal (Liberal Democrats)

 

Daisy Cooper MP

 

Steve Darling MP

 

Andrew George MP

 

Ian Sollom MP

 

Partiya Keskan (Green Party)

 

Sian Berry MP

 

Carla Denyer MP

 

Adrian Ramsey MP

 

Baroness Bennett of Manor Castle

 

Baroness Jones of Moulsecoomb

 

Partiya Niştimanî ya Skoçyayê (SNP)

 

Chris Law MP

 

Noah Law MP

 

Plaid Cymru

 

Ben Lake MP

 

Llinos Medi MP

 

Liz Saville Roberts MP

 

Partiya Yekitiya Demokratîk (DUP)

 

Jim Shannon MP

 

Baroness Foster of Aghadrumsee

 

Lord Elliott of Mickle Fell

 

Sinn Féin

 

Brendan O’Hara MP

 

Endamên Kamaraya Lordan 

 

Lord Alton of Liverpool

 

Baroness Carberry

 

Lord Cashman

 

Lord Doyle

 

Baroness Goudie

 

Lord Hain

 

Lord Hendy

 

Lord Khan of Burnley

 

Lord Kinnock

 

Lord Mann

 

Lord Moraes

 

Lord Moynihan

 

Lord Ranger

 

Lord Singh of Wimbledon