
Nûçegihanên me Sezgîn û Altûntaş hatin binçavkirin  

2021-10-16 20:03:04


	STENBOL - Meclîsa Ciwanan a HDP'ê xwest bi daxuyaniyek qedexekirina konsera NÇM'ê prostetê bike, lê polîsan mudaxileyî ciwanan kir. Di dema mudaxileyê de nûçegihanên ajansa me Mehmet Enes Sezgîn û Mahmût Altûntaş hatin binçavkirin.&nbsp;

	&nbsp;

	Meclîsa Ciwanan a Partiya Demokratîk a Gelan (HDP), xwest li Kolana Îstiklalê bi daxuyaniyekê qedexekirina konsera "Berbang" a Navenda Çandê ya Mezopotamyayê protesto bike. Polîsan mudaxileyî ciwanan kir.

	&nbsp;

	Polîsan nehişt ciwan daxuyaniyê bidin. Polîsan pankarta ku ciwanan vekiribû jî çirandin. Di mudaxileyê de nûçegihanên Ajansa Mezopotamyayê (MA) Mehmet Enes Sezgîn û Mahmût Altûntaş hatin binçavkirin.

	&nbsp;

	Polîsan herî kêm 10 endamên meclîsa ciwanan jî binçav kirin.&nbsp;