
Hunermendan li Amedê qedexekirina konsera NÇM’ê şermezar kirin

2021-10-17 17:37:05


	AMED - Hunermendên kurd li Amedê bertek nîşanî qedexekirina konsera NÇM’ê ya li Stenbolê dan û gotin wê tu kes nikaribe hişmendiya qirker îro jî li dijî çand û hunera kurdî rûreşiyê dike û wê tu hişmendî nikaribe xebatên çand, huner û zimanê kurdî rawestîne.&nbsp;

	Hunermendên li Amedê yên di bin banê Navenda Çanda Mezopotamyayê (NÇM) de dixebitin, li dijî qedexekirina konsera salvegera 30’yemîn a NÇM’ê ku dê li Stenbolê bihata lidarxistin, daxuyanî dan û şermezar kirin. Daxuyanî li avahiya Komeleya Çand û Hunerê ya Dîle Firatê ya li Sûra Amedê pêk hat û gelek hunermend beşdarî daxuyaniyê bûn.&nbsp;

	&nbsp;

	Hunermend Devrîm Demîr daxuyanî xwend.&nbsp;

	&nbsp;

	Daxuyanî wiha ye:&nbsp;

	&nbsp;

	“Ev 30 sale ku em wekî Navendên Çandê yên Mezopotamyayê, ji bo &nbsp;Çand û Hunereke azad û bi zimanê Kurdî, li ber xwe didin.

	&nbsp;

	ZEXTÊN LI SER SAZIYÊ

	&nbsp;

	Ji destpêka salên 90’î û vir ve gelek caran saziyên me hatin girtin, hevrê û hevalên me hatin binçavkirin, girtin û cezakirin. Berdêlên mezin hem ji hêla xebatkarên NÇM’yan ve û hem jî ji hêla gelê me yê berxwedêr ve hatin dayîn û hîn jî tê dayîn.&nbsp;

	&nbsp;

	Çewisandin, gefxwarin, qedexekirin, pişaftin û pê re jî qirkirina çandî kêlîyekê &nbsp;jî nesekinî. Hişmendiya ku kurdan înkar dike, &nbsp;çand û hunera kurdî ya azad tune dihesibîne îro jî li ser kar e.&nbsp;

	&nbsp;

	Hîn çend roj berê cil û bergên me yên gelêrî hatin qedexekirin. Dîsa çend roj berê straneke me hat qedexekirin û doh jî &nbsp;konser û bernameya çand û hunera kurdî ya NÇM'ê ji hêla hişmendiya qirker vê hate qedexekirin.

	&nbsp;

	HIŞMENDIYA QIRKER&nbsp;

	&nbsp;

	Bi hincetên sosret yên wekî ev konser û bername &nbsp;“dê ewlehiya civakê bixe xeterîyê û îhtîmala ku dê li wê derê sûc bê kirin û hwd” bernameya pîrozbahiyê ya 30’emîn damezrandina NÇM’ê ya ku dê li Stenbolê bihata li darxistin hat qedexekirin. Hişmendiya qirker qey nizane ku, Çand, Huner û Zimanê gelekî bi qedexekirinê nayê rawestandin.&nbsp;

	&nbsp;

	ÎRO JÎ RÛREŞIYÊ DIKIN&nbsp;

	&nbsp;

	Ji bo ku hûn dibêjin Neteweyek tune ye û hebûna wî înkar &nbsp;dikin ew netewe ji holê ranabe. Gelê kurd di her şert û mercî de xwedî li çand û hunera xwe derketiye. Heger hûn vê rastiyê nizanin herin rûpelên dîroka berxwedana gelê kurd vekin. Yên ku dibêjin pirsgirêka kurd tune ye û me ev pirsgirêk çareser kiriye, îro jî li rûreşî û derewên xwe diqelibin. Ew careke din li hemberî dîrokê tewanbar û sûcdar in.&nbsp;

	&nbsp;

	Em jî ji her demê zêdetir, xweşiktir, bi serbilindî û bi rihekî berxwedêr li hemberî polîtîkayên pişaftinê û qedexeyan li berxwe didin.&nbsp;

	&nbsp;

	RÊWÎTIYA ÇANDA KURDÎ NAYÊ RAWESTANDIN

	&nbsp;

	Em xwedî wê soz û biryarê ne ku em gelê xwe bê Ziman, bê Çand û bê Hunera Kurdî nahêlin. Em wekî xebatkar, hunermend û dildarên Çand û Hunera gelê xwe vê biryara sosret bi tundî şermezar dikin û ji bo me her der û her qad cihê çand û hunera kurdî ye. Rêwîtîya Çand û Hunera azad ya Kurdî nayê rawestandin. &nbsp;

	&nbsp;

	Bijî çand, huner û zimanê kurdî û bijî huner û hunermendiya azad.”&nbsp;

	&nbsp;

	&nbsp;