
Bîlançoya êrişên mehekê yên DAIŞ’ê: 22 pêşmerge û 5 sivîlan jiyana xwe ji dest dan

2021-12-06 10:50:46


	&nbsp;

	NAVENDA NÛÇEYAN – Di êrişên DAIŞ’ê yên li Herêma Kurdistanê zêdebûn de di mehekê de 22 pêşmergeyan û 5 sivîlan jiyana xwe ji dest dan.&nbsp;

	&nbsp;

	Li Herêma Kurdistanê di pêvajoya dawî de li gelek navendan êrişên DAIŞ’ê zêde bûn. DAIŞ’ê di serî de Kerkuk, Musil, Silêmanî êrişî gelek noxteyên pêşmergeyan û gundên nêzî sînor kir. Ji 10’ê Mijdarê ve di êrişên DAIŞ’ê de 22 jê pêşmerge 5 jê sivîl 27 kesan jiyana xwe ji dest dan.&nbsp;

	&nbsp;

	DAIŞ’ê duh şev êrişî hêzên pêşmergeyan ên li Girê Qereselîm ê li navçeya Şêx Bizin a Kerkûkê kir. Li ser hêzên pêşmergeyan bersiv da li herêmê şer derket. Hat aşkerakirin ku di şer de 4 pêşmergeyan jiyana xwe ji dest dane û pêşmergeyek jî birîndar bûye.&nbsp;

	&nbsp;

	Hat diyarkirin ku piştî êrişî DAIŞ’î ji herêmê reviyan e. Navên pêşmergeyên jiyana xwe ji dest dane wiha ne: Mesûd Talat, Nehro Nacî, Hejar Celal û Rêkan Tofîk.&nbsp;

	&nbsp;

	ÊRIŞÊN DAIŞ’Ê

	&nbsp;

	Di 10’ê Mijdarê de li taxa Xurmato ya Amîrlî di encama êrişekê de 2 kesan jiyana xwe ji dest dabûn&nbsp;

	&nbsp;

	Di 28’ê Mijdarê de li Kuleco ya ser bi navçeya Kifrî ya Germiyana Silêmaniyê di êrişa pêk hatibû de 5 pêşmergeyan jiyana xwe ji dest dabû.&nbsp;

	&nbsp;

	Di 29’ê Mijdarê de di êrîşa li taxa Kifrî de 3 pêşmergeyan jiyana xwe ji dest dabû û 2 pêşmerge jî birîndar bûbûn.&nbsp;

	&nbsp;

	Di 2’yê Kanûnê de li gundê Xidirce yê li Herêma Qereçox a navçeya Mexmûrê 10 pêşmerge û 3 sivîlan jiyana xwe ji dest dabûn. 4 jê pêşmerge 5 kes jî birîndar bûbûn.&nbsp;

	&nbsp;