
Li Riha û Colemêrgê 2 leşkeran jiyana xwe ji dest dan 

2022-01-17 15:39:47


	&nbsp;

	RIHA/ COLEMÊRG - Li Riha û Colemêrgê 2 leşkeran Artêşa Tirk jiyan xwe ji dest dan.

	&nbsp;

	Li taxa Ozbek a navçeya Serokaniyê ya Rihayê, wesayîta bi pîlaqeya 63 ADA 174 ji ber sedemeke ne diyar şewitî. Li ser agahdarkirinê tîmên agirkujiyê hatin cihê bûyerê û şewatê vemirandin. Di wesayîtê de cenazeyê çawişê pispor ê bi navê Îsmaîl Gezer hat dîtin. Cenazeyê Gezer rakirinê Saziya Tipa Edlî (ATK) û derbarê bûyerê de lêpirsîn hat destpêkirin.&nbsp;

	&nbsp;

	Hat angaştkirin ku li Herêma baregeha 1'emîn Fermandariya Tabûra Cendirmeyên Qomando ya li navçeya Geverê ya Colemêrgê di encama teqîna bombeyeke destan de çawişê pispor ê cendirme Ayberk Soyûtemîz jiyana xwe ji dest daye. Walîtiya Colemêrgê têkildarî mijarê daxuyaniyek da û angaşt kir ku teqîn bi qezayê çêbûye.&nbsp;

	&nbsp;

	Hefteyek berê jî hatibû angaştkirin ku leşkerê bi navê Ferhat Ozcan di encama qezaya çekê de jiyana xwe ji dest daye.&nbsp;

	&nbsp;

	&nbsp;

	&nbsp;

	&nbsp;