
Cezayê hepsê li endamên Komeleya Ciwanan a Şerzan Kûrt hat birîn 

2022-01-28 17:31:30


	MÛGLA - Di danişîna doza ku bi hinceta xebatên Komeleya Ciwanan a Şerzan Kûrt hatibû vekirin kirin de, bi îdiaya "endamtiya rêxistinê" 6 sal û 3 meh ceza li 7 kesan hat birîn.

	&nbsp;

	Xwendekarê Zanîngeha Mûglayê Şerzan Kurt di 12'ê Gulana 2010'an de li Mûglayê di êrişeke polîsan de bi guleya çeka polîs Gultekîn Şahîn birîndar bûbû û di 24'ê Gulana 2010'an de li nexweşxaneyê jiyana xwe ji dest dabû. Ji ber daxuyanî û biranînên di bin banê Komeleya Ciwanan a Şerzan Kûrt de hatibûn lidarxistin, derbarê 9 kesan de bi îdiaya “endamtiya rêxistinê” û “propagandaya rêxistinê” doz hatibû vekirin. Danişîna 22’yemîn a dozê îro li Dadgeha Cezayê Giran a 2'yan a Mûglayê hat lidarxistin. Bersûc Îbrahîm Orhan û parêzera wî bi SEGBÎS’ê tevlî danişînê bûn.

	&nbsp;

	Dozgerê ku di danişînê de mutaalaya xwe aşkera kir, xwest bersûc Ahmet Dundar Eren, Berna Çelebî, Omer Fîlîtoglû, Zafer Alturk, Îsmaîl Polat, Dîlek Zengîn, Îbrahîm Orhan û Yasemîn Pelît bi îdiayên “endamtiya rêxistinê” û “propagandaya rêxistinê” bên cezakirin.&nbsp;

	&nbsp;

	DAXWAZA BERAETÊ KIR

	&nbsp;

	Ji parêzerên bersûcan Esra Olmez, diyar kir ku mutalaa li dijî hiqûqê ye û piştî kuştina Şerzan Kûrt hatiye amadekirin. Olmez, daxwaza beraeta muwekîlê xwe kir. Parêzer û bersûcên din jî di parastinên xwe de diyar kirin ku daxuyaniyên hatine dayîn ne sûc in û daxwaza beraetê kirin.&nbsp;

	&nbsp;

	6 SAL CEZA HAT BIRÎN

	&nbsp;

	Şandeya Dadgehê ku biryara xwe aşkera kir, biryar da ku doza cemaweriyê ya derbarê Dîlek Zengîn de bê taloqkirin û doza derbarê Ahmet Dundar Eren de hatibû vekirin jî red kir. Şandeya Dadgehê bi îdiaya “endamtiya rêxistinê” 6 sal û 3 meh cezayê hepsê li Berna Çelebî, Omer Fîlîtoglû, Zafer Alturk, Îsmaîl Polat, Dîlek Zengîn, Îbrahîm Orhan û Yasemîn Pelît birî.&nbsp;