
Li gundên Geverê operasyon bi dawî bû lê zozanên gundiyan hatin qedexekirin  

2022-06-28 14:04:18


	&nbsp;

	COLEMÊRG - Li Geverê operasyona li herêma Astenga Reş a ku 3 roj bû dom dikir bi dawî bû. Li herêmê qedexeya 5 rojan a derketina zozanan dest pê kir û 5 hezar pez jî hê winda ye.

	&nbsp;

	Operasyona leşkerî ya di 26’ê hezîranê de li gundên Şîşemzîn, Xurekana Seyîdan û Xurekana Temo ên li herêma Astenga Reş &nbsp;a bi ser navçeya Geverê ya Colemêrgê ve hatibûn destpêkirin, bi dawî bû. Hat destnîşankirin ku nîviya leşkerên li herêmê hatibûn bicihkirin, duh bi şev bi tevî wesayîtên zirxî, helîkopteran û meşîneyên kar ji herêmê derketine. Hat zanîn ku leşkerên ku li wir mabûn jî serê sibê bi temamî ji qadê vekişiyane.&nbsp;

	&nbsp;

	DERKETINA ZOZANAN 5 ROJ HAT QEDEXEKIRIN

	&nbsp;

	Leşkerên ku ji herêmên gundên Şîşemzîn, Xurekana Seyîda û Xurekana Temo derketine ji gundiyan re ragihandine ku derketina zozanan 5 rojan li wan hatiye qedexekirin. Di dema ku operasyon hatiye destpêkirin 13 kes hatibûn binçvakirin û 11 ji wan piştî karûbarên îfadeyan yên li Fermandariya Cendirmeyan a Navçeyan Geverê hatibûn berdan. Hat zanîn ku îfadegirtina Bîrhat û Behçet Engudar ên birayên hev jî bi tevlibûna parêzerên OHD’ê û ÎHD’ê li Fermandariya Cendirmeyan a Navçeyan Geverê hatiye destpêkirin. Tê payîn ku piştî karûbarên îfadeyên dê herdû birayan sewqî dozgeriyê bikin.&nbsp;

	&nbsp;

	PEZ HÊ JÎ WINDA NE

	&nbsp;

	Ji aliyê din ve ji ber ku şivan hatine binçavkirin, 5 hezar pezê gundiyan hê jî winda ye û gundî ji ber qedexeya zozanan nikarin li pezên xwe bigerin.&nbsp;

	&nbsp;