
Ji bo girtiyê nexweş Ûfûk Keskîn banga berdanê kirin  

2022-10-01 14:57:16


	STENBOL - Di çalakiya Rûniştina F de hat diyarkirin ku xwarinên taybet ên girtiyê nexweş Ûfûk Keskîn nayên dayîn û banga berdana lezgîn a Keskîn hat kirin.&nbsp;

	&nbsp;

	Komîsyona Girtîgehan a Şaxa Komeleya Mafê Mirovan (ÎHD) a Stenbolê, di hefteya 549'an a Rûniştina F de li peşiya Şaxa ÎHD'ê ya Stenbolê daxuyanî da. Komîsyonê, di çalakiyê de bal kişand ser rewşa tenduristiya girtiyê nexweş Ûfûk Keskîn ku li Girtîgeha Hejmara 1 a Tîpa T a Şakranê girtî ye. Di daxuyaniyê de pankarta "Bila girtiyên nexweş bên berdan" û timik dûrişmeyên "Mirov bi mafê xwe mirov e" , &nbsp;"Tecrîd dikuje, piştevanî dide jiyîn" , "Tedawî maf e nikare bê astengkirin" û Bila Ûfûk Keskîn bê berdan" hatin berzkirin.&nbsp;

	&nbsp;

	GELEK NEXWEŞIYÊN KESKÎN HENE

	&nbsp;

	Daxuyaniya ku ji bo balkişandina rewşa Ûfûk Keskîn hatibû amadekirin ji aliyê Serokê Şaxa ÎHD'a Stenbolê Gulseren Yolerî ve hat xwendin. Yolerî, diyar kir ku rewşa girtiyên nexweş giran dibe û ji ber vê hejmara girtiyên nexweş ku jiyana xwe ji dest didin zêde dibe û bi van gotinan bal kişand ser rewşa girtiyê &nbsp;nexweş Ûfûk Keskîn: "Nexweşiyên mîna Tip1 diyabet, Çolyak, Sorbûna laş, Dermatis Hipotifermis, alerjiya laktozê, fitiqa sûtî û piştê, Raynaud Fenomenî, gastrît, alerjiya toz ve kufê; nexweşiyên diran û gurçikan jî bi Keskîn re hene."

	&nbsp;

	Di berdewamê de Yolerî, destnîşan kir ku di şertên girtîgehê de ne pêkan e ku tedawiya Keskîn bê kirin û bang kir ku Keskîn bê berdan û tedawiya wî li derve bê kirin.&nbsp;

	&nbsp;

	Piştî daxuyaniyê bavê Keskîn Fahrettîn Keskîn jî axivî û xwest ku kurê wî bi awayekî lezgîn &nbsp;bê tedawîkirin.&nbsp;

	&nbsp;

	&nbsp;