
Cenazeyên 17 leşkeran anîn Colemêrgê

2022-11-27 10:50:28


	&nbsp;

	COLEMÊRG - Cenazeyên 17 leşker û cerdevanên ku tê gotin li Zap, Avaşîn û Metînayê hatine kuştin, anîn nexweşxaneyên Colemêrgê.&nbsp;

	&nbsp;

	Êrişên dewleta tirk ên li dijî herêmên Zap, Avaşîn û Metîna yên Herêman Federe ya Kurdistanê berdewam in. Şer û pevçûnên li herêmê roj bi roj dijwartir dibin. Wezareta Parastinê ya Tirkiyeyê di daxuyaniyên xwe yên di 25 û 26’ê mijdarê de ragihand ku leşkerên bi navên Eyup Ûgûrlû, Mehmet Demîr, Dûabey Onûr Ozturkmen, Mûstafa Yildiz û Îsmaîl Unal di şer de hatine kuştin. Her wiha ji 3 cerdevanên ji ber brûskê birîndar bûyîn ê bi navê Mûstafa Işik, mir. &nbsp;

	&nbsp;

	‘17 CENAZE ANÎN’

	&nbsp;

	Her wiha di rojên dawî de 17 cenazeyên leşkeran anîn nexweşxaneyên navçeya Colemêrgê. Cenazeyên hinek leşkeran jî li Balafirgeha Geverê bi balafirên kargoyê şandin bajarên wan. 11 leşker û cerdevanên di heman pevçûnan de birîndar bûyî jî anîn Nexweşxaneya Sahrayê ya Serê Sevê û Nexweşxaneya Dewletê ya Şemzînanê. Hat ragihandin ku yek jê giran 3 cerdevan jî bi helîkoptaran anîn Nexweşxaneya Lêkolîn û Pêrwerdeyê ya Wanê.&nbsp;

	&nbsp;

	Hat zanîn ku li ser xeta sînor di baregehên leşkerî û qereqolan de dest danîne ser telefon û amûrên dijîtal ên leşkeran.&nbsp;

	&nbsp;

	Her wiha li gund û herêmên nêzî cihên pevçûn lê diqewimin, ceyran hatiye qutkirin û leza înternetê jî hatiye kêmkirin.&nbsp;