
Berberên dilxwaz li Nûrdaxî û Islahiyeyê welatiyan traş dikin   

2023-03-06 09:30:07


	DÎLOK - &nbsp;Berberên ku bi dilxwazî hatine Nûrdaxî û Islahiyeyê, mexdûrên erdhej traş dikin.&nbsp;

	&nbsp;

	Piştî erdhejên li Mereşê çêbûn, xebatên rakirina kavilan didomin. Her wiha gel jî xwe bi xwe birînên xwe dicebirîne. 17 berberên dilxwaz ên ji Dîlokê hatin Nûrdaxî û Islahiyeyê, por û riyên welatiyan kur dikin. Berberan diyar kir ku dê xebatên wan ên li herêma erdhejê bidomin.&nbsp;

	&nbsp;

	Berber Alî Amaç anî ziman ku nêzî mehekê ye hatine vir û got: "Em tu heqî nastînin. Hin mirov gava tu wan traş dikî, kêfa wan tê. Bi taybetî jî zarok. Ji niha û pê ve jî çi ji destê me bê em ê bikin."&nbsp;

	&nbsp;

	Berber Mûstafa Îzcî jî diyar kir ku tevî hevalên xwe yên berber bi xebateke kolektîf hatine herêma erdhejê. Îzcî destnîşan kir ku xwestine kêliyekê be jî êşên gel sivik bikin û got ku xebatên wan dê ji niha û pê ve jî bidomin.&nbsp;

	&nbsp;

	Berber Îbrahîm Halîl Dûrmaz jî bilêv kir ku bi kurkirina por û riyên welatiyan xwestine alîkariya mexdûrên erdhejê bikin û got ku çi ji dest wan bê dê bikin."&nbsp;

	&nbsp;

	MA / Delal Akyuz - Firat Can Arslan

	&nbsp;