
Ji edîtorê Rojnewsê 41 roj in tu agahî nayên girtin

2023-12-04 09:26:10


	&nbsp;

	NAVENDA NÛÇEYAN - Ji rojnameger Silêman Ehmed ku ji hêla asayîşa PDK’ê ve hatiye revandin ev 41 roj in tu agahî nayên girtin.&nbsp;

	&nbsp;

	Rojnameger û edîtorê beşa erebî yê Rojnewsê Silêman Ehmed di 1’ê cotmehê de ji bo serdanê çû cem malbata xwe ya li Taxa Şêx Meqsud a Helebê. Ehmed, di 25’ê cotmehê de xwest bi ser deriyê Pêş Xabûr (Sêmalka) re derbasî Herêma Federe ya Kurdistanê bibe. Lê li vir ji hêla hêzên PDK’ê ve hate revandin û ev 41 roj in agahî jê nayê girtin.

	&nbsp;

	Hefteyek piştî windabûna Ehmed, asayîşa PDK’ê ya Dihokê daxuyaniyek da û îdia kir ku “Silêman Ehmed rojnameger nîne.” Bi vê daxuyaniyê li xwe mikûr hat ku Ehmed ji hêla wan ve hatiye binçavkirin. Silêman Ehmed nêzî 5 sal in di beşa erebî ya Rojnewsê de weke edîtor dixebite.

	&nbsp;

	Parêzerê Ehmed, Nerîman Ehmed diyar kir ku tevî biryara dozgeriyê jî Asayîşa Dihokê nahêle ew bi miwekîlê xwe re hevdîtinê bikin.&nbsp;