
Greva birçîbûnê di roja 8’an de didome

2023-12-04 09:29:41


	&nbsp;

	NAVENDA NÛÇEYAN - Greva birçîbûnê ya dorveger ku girtiyên siyasî di çarçoveya kampanyaya “Ji Abdullah Ocalan re azadî, ji bo pirsgirêka kurd çareserî” de daye destpêkirin di roja 8’an de berdewam dike.&nbsp;

	&nbsp;

	Ji bo azadiya fîzîkî ya Rêberê PKK’ê Abdullah Ocalan ê li Girtîgeha Tîpa F a bi Ewlekariya Bilind a Îmraliyê tê ragirtin û rakirina tecrîdê, girtiyên siyasî yên li girtîgehên bakurê Kurdistanê û Tirkiyeyê dest bi greva birçîbûnê ya dorveger kirin. Çalakî di roja 8’an de berdewam dike.&nbsp;

	&nbsp;

	Girtiyên PKK û PAJK’î di çarçoveya kampanyaya “Ji Abdullah Ocalan re azadî, ji bo pirsgirêka kurd çareserî” de, di 27’ê mijdarê de dest bi çalakiyê kirin û dê di 15’ê Sibatê de bi dawî bikin.&nbsp;

	&nbsp;

	27’ê Mijdara 1978’an, roja “Kongreya Avakirinê” ya PKK’ê ye ku li gundê Fîsê yê navçeya Licê ya Amedê hatibû lidarxistin. 15’ê Sibatê jî roja girtina Abdullah Ocalan û radestkirina li Tirkiyeyê ye.&nbsp;

	&nbsp;

	Rêberê PKK’ê Abdullah Ocalan 25 sal in li Girtîgeha Îmraliyê di tecrîdê de tê ragirtin û 32 meh in jî bi tu awayî destûr nayê dayîn ku bi malbat û parêzerên xwe re hevdîtinan bike.

	&nbsp;

	Rêberê PKK’ê Abdullah Ocalan 25 sal in li Îmraliyê di şert û mercên tecrîda girankirî de ye û 33 meh in tu agahî jê nayên girtin.&nbsp;

	&nbsp;