
Di çarçoveya Hefteya Mafên Mirovan de dê li Wanê rêzeçalakî bên lidarxistin

2023-12-08 16:50:39


	&nbsp;

	WAN - Rêxistinên demokratîk ên girseyî derbarê Heftaya Mafê Mirovan de dîrokên rêzeçalakî û xebatên xwe parve kirin.&nbsp;

	&nbsp;

	Rêxistinên demokratîk ên girseyî derbarê Heftaya Mafê Mirovan de, dîroka plansaziyên xwe parve kirin. Serokê Şaxa Egitîm Sen’a Wanê Mûrat Atabay, di avahiyê KESK’ê de, dîroka çalakî û komxebatan eşkere kir.&nbsp;

	&nbsp;

	Mûrat Atabay di destpêka axaftina xwe de bal kişand ser êrişên li dijî maf û azadiyan û da zanîn ku azadiya xweîfadekirinê, hema bêje hatiye ber asta tunekirinê û got: “Em di pêvajoyeke ku pirsgirêka kurd hatiye kûrkirin û polîtîkayên tecrîdê, tevahiya civakê dorpêç kiriye de dijîn.”

	&nbsp;

	Atabay da zanîn ku di pêvajoyeke wiha de dixwazin aktîvîstên parazvanên mafên mirovan bi dozan û girtinan biçewisînin û wiha pê de çû: “Li dijî Baroyên ku wekî desthilatê nafikirin, baroyên alternatîf ava dikin, dîsa qeyûman tayînî Yekitiya Bijîşkan a Tirk a wekî desthilatê nafikire, dikin.”

	&nbsp;

	PANELA TECRÎDÊ&nbsp;

	&nbsp;

	Atabay, ê rêzeçalakiyên Hefteya Mafên Mirovan aşkere kir wiha got: “Weke rêxistinên mafên mirovan û rêxistinên pîşeyî yên mafên mirovan diparêzin dê di navbera dîrokên 9 û 17’ê kanûnê de têkildarî binpêkirinên mafan, di têkoşînê de bilindkirina rêbazên pratik û derbarê azadiya lêgerîna maf a welatiyan de hin rêzeçalakî plan kirin. Di 9’ê kanûnê de dê daxuyaniya çapemeniyê were dayîn, rojekê pişt re jî bi serenavê ‘tecrîdê’ dê paneleke were lidarxistin. Parlamenterên HEDEP’ê Sezaî Temellî û Cengîz Çîçek dê tev li panele bibin. Dîsa di nav hefteyê de dê guhdarkirina muzîkê, nîşandana fîlman jî bidome.”

	&nbsp;

	Atabay, herî dawî hemû gelê li bajêr vexwend çalakiyan.&nbsp;

	&nbsp;

	&nbsp;