
Li Edeneyê agirê Newrozê dê di 24’ê adarê de bê vêxistin 

2024-03-22 15:04:28


	EDENE - Serokê Komîteya Amadekar a Newroza Edeneyê Yaşar Demîr ji bo tevlibûna pîrozbahiya Newrozê ku dê di 24’ê adarê de bê lidarxistin bang kir û got: “Werin em bi hev re li dora agirê Newrozê govenda azadiyê bigerînin.”&nbsp;

	&nbsp;

	Pîrozbahiya Newroza îsal a Edeneyê dê di 24’ê adarê de bê lidarxistin. Pîrozbahî dê bi dirûşma “Rabe, dema azadî û serkeftinê ye" li Şanoya Servekirî ya Mîmar Sînan bê lidarxistin û dê saet di 12.00’ê de dest pê bike. Amadekariyên pîrozbahiyê bi rojan berê dest pê kiribû û hêj didomin. Serokê Komîteya Amadekar a Newrozê Yaşar Demîr banga tevlibûna Newrozê li xelkê bajar kir.&nbsp;

	&nbsp;

	Demîr, da zanîn ku ji bo pîrozbahiyê hemû destûr hatine dayîn û got: “Werin em bi hev re li dora agirê Newrozê govenda azadiyê bigerînin.”&nbsp;

	&nbsp;

	Demîr, diyar kir ku mîna di tevahiya pîrozbahiyên îsal de dê di Newroza Edeneyê de jî daxwaza azadiya fîzîkî ya Rêberê PKK’ê Abdullah Ocalan bê kirin û ev bang kir: “Banga me li hemû kesên aştîxwaz, azadîxwaz, li gel edalet, demokrasî û hiqûqê ew e ku li dora agirê Newrozê bicivin. Bijî Newroz.”&nbsp;

	&nbsp;