
Li Meclisê bi kulman êrişî Bozan ê DEM Partiyî kirin

2024-07-24 19:20:39


	ENQERE - Parlamenterê AKP’ê Adil Karaîsmaîloglû, li Meclisê kulm li parlamenterê DEM Partiyê Alî Bozan xist.&nbsp;

	Wezîrê Veguhestinê yê Berê û parlamenterê AKP’ê yê Trabzonê Adil Karaîsmaîloglû, li Lijneya Giştî ya Meclisê êrişî parlamenterê Partiya Wekhevî û Demokrasiyê ya Gelan (DEM Partî) Alî Bozan kir.&nbsp;

	&nbsp;

	Bozan ê têkildarî pêşniyazpirsa ku Partiya Îyî pêşkeşî Meclisê kir, li ser kursiyê axivî, bal kişand ser nelirêtiyên AKP’ê kirî wiha got: “Mijara me bac e. Bacên ku we li berîka xizan, kedkar û teqawîdan bar kirî biborînin ên we ji berîka wan dizî. Mînak hûn karkerek an kedkarek in. Hûn çûn bankayê û we mûçeyê xwe girt. Wê navberê kesek bi paş ve hat û mûçeyê we dizî. Beşeke wî ya mezin dizî. Heke rewşeke wiha biqewime hûn ê çi bikin? Ewilî hûn ê biqîrin bêjin diz heye, diz heye. Hûn ê giliyê vî dizî bikin. Ev tişta ez dibêjim TUÎK bi saya AKP’ê her meh birêkûpêk dike.”

	&nbsp;

	HEQARET KIR &nbsp;

	&nbsp;

	Bozan, wiha domand: “Ez dixwazin li ser navê van kedkaran bêjim ‘diz heye, diz heye’. AKP diziyê dike, AKP diziyê dike.” Di vê navberê de AKP’iyan ji Bozan re gotin “bêterbiye” û heqaret lê kirin. Bozan jî bi gotina “Bêterbiye jî bêexlaq jî hûn in” bertek nîşanî wan da. AKP’iyan bi ser Bozanê li kursiyê ve meşiyan.&nbsp;

	&nbsp;

	Dema Bozan diaxivî, AKP’iyan kursî dagir kir. Di vê navberê de Karaîsmaîloglû kulm li Bozan xist. &nbsp;

	&nbsp;

	Piştî êrişî navber dan lijneya giştî.&nbsp;

	&nbsp;