
Malbatên windakiriyan: Heta faîl bên darizandin dê têkoşîn bidome

2024-07-27 12:51:05


	&nbsp;

	NAVENDA NÛÇEYAN - Di çalakiyên ÎHD’ê û malbatên windakiriyan de peyam hate dayîn ku heta faîlên kesên di salên 1990’î de hatine windakirin û qetilkirin bên darizandin dê têkoşîn bidome.&nbsp;

	&nbsp;

	Komeleya Mafên Mirovan (ÎHD) û malbatên windakiriyan careke din bi daxwaza “Bila windakirî bên dîtin faîl bên darizandin” li gelek bajaran hatin bahev. Şaxa ÎHD’a Amedê û malbatên windakiriyan di hefteya 807’emîn a çalakiyên xwe de li ber Bîrdariya Mafên Mirovan a li Parka Koşûyolûyê hatin bahev. Di daxuyaniyê de wêneyên windakiriyan hatin hilgirtin. Di çalakiya vê hefteyê de çîroka Mesût Dundar ê di tîrmeha 1992’yan de li navçeya Cizîr a Şirnexê hate windakirin hate vegotin.&nbsp;

	&nbsp;

	Yek ji rêveberên Şaxa ÎHD’a Amedê Yakûp Guven, bertek nîşanî binçavkirina ciwanên govendê digerînin da. Guven, destnîşan kir ku dirûşma ku ciwanên li Mêrsînê hatin binçavkirin berzkiriye ne sûc e û wiha got: “Em bêhiqûqiyê qebûl nakin.”

	&nbsp;

	Pişt re endama Komîsyona Windayan a ÎHD’ê Berfîn Elçî, çîroka Dundar xwend. Dû re daxuyanî bi çalakiya rûniştinê bi dawî bû. &nbsp;&nbsp;

	&nbsp;

	ÊLIH&nbsp;

	&nbsp;

	Li Êlihê jî ÎHD’ê û malbatên windakiriyan di hefteya 643’emîn a çalakiyên xwe de li ber Bîrdariya Mafên Mirovan a li Cadeya Gulistanê hatin bahev. Di çalakiya ku pankarta “Bila windakirî bên dîtin, faîl bên darizandin” de ji bilî parazvanên mafên mirovan, rêveberên OHD’ê û MEBYA-DER’ê jî beşdar bûn.&nbsp;

	&nbsp;

	Rêveberê Şaxa ÎHD’a Êlihê Erkan Kolkaldiran ê di çalakiyê de axivî, anî ziman ku heta aqubeta windakiriyan were aşkerekirin û faîl bên darizandin dê têkoşîna wan bidome &nbsp;. &nbsp;

	&nbsp;

	Dû re çîroka Nûnerê Kovara Ozgur Halkê yê Êlihê Çetîn Abayay ê di 29’ê tîrmeha 1992’yan de di êrişa çekdarî ya 3 kesan de li Êlihê birîndar bû û di 30’ê tîrmehê de jiyana xwe ji dest da hate xwendin.&nbsp;

	&nbsp;

	Daxuyaniya li vir piştî çalakiya rûniştinê bi dawî bû.&nbsp;

	&nbsp;

	COLEMÊRG

	
		&nbsp;
	
		Şaxa ÎHD’a Colemêrgê û malbatên windakiriyan di hefteya 133’emîn a çalakiya xwe de li Kolana Hunerê ya li navçeya Geverê hatin bahev. Di çalakiya vê hefteyê de çîroka Nacî Şengul, Salîh Şengul, Hayrettîn Ozturk û 11 gundiyên piştî li mezraya Bêgalte yê girêdayî gundê Bêsosin ê navçeya Şemzînan a Colemêrgê di 24’ê tîrmeha 1994’an de hatibûn binçavkirin, hatibûn qetilkirin hate xwendin.&nbsp;
	
		&nbsp;
	
		Hevseroka Şaxa ÎHD’a Colemêrgê Sîbel Çapraz got ku “133 hefte ne ji Colemêrgê ji bêcezahiştina sûcê windakirina di bin çavan de re îtîraz dikin.” Çapraz a destnîşan kir ku divê polîtîkayên necezakirinê bên bidawîkirin, çîroka çîroka Nacî Şengul, Salîh Şengul, Hayrettîn Ozturk û 11 gundiyên hatine qetilkirin xwend.&nbsp;
	
		&nbsp;
	
		Çapraz a da zanîn ku 30 sal in ji bo gundiyên hatine qetilkirin li edaletê digerin, bang li rayedaran kir ku aqûbeta Nacî Şengul, Salîh Şengul, Hayrettîn Ozturk û gundiyên din bê aşkerekirin û xwest berpirsyar bên darizandin.”
	
		&nbsp;
	
		Daxuyanî bi çalakiya rûniştinê bi dawî bû. &nbsp;
	
		&nbsp;
	
		
			DÊRSIM &nbsp;
		
			&nbsp;
		
			Şaxa ÎHD’a Dêrsimê jî li Kolana Hunerê daxuyanî da. Ji bilî siyasetmedar Sebahat Tûncel û parlamentera DEM Partiyê ya Dêrsimê Ayten Kordû gelek kes tev li daxuyaniyê bûn. Di çalakiyê de çîroka Ayten Ozturk a di 27’ê tîrmeha 1992’yan de hatiye qetilkirin hate xwendin.
		
			&nbsp;
		
			Bavê Ozturk, Hidir Ozturk, diyar kir ku endamên JÎTEM’ê yên ku keça wê qetilkirin nehatin îfadekirin û ji roja qetilkirinê ve bi bêhiqûqiyan re rû bi rû dimînin. Ozturk xwest ku faîl derkevin holê. Ozturk ê ji bo keça xwe bi kurdî zemar gotin daxwaza “heq, hiqûq û edaletê” kir.&nbsp;
		
			&nbsp;
		
			Dû re Hevserokê ÎHD’a Dêrsimê Gurbuz Solmaz çîroka Ozturkê xwend.&nbsp;
		
			&nbsp;
		
			&nbsp;