
Dayikên Aştiyê: Em şer naxwazin  

2024-10-17 14:30:06


	&nbsp;

	ŞIRNEX - Endamên Meclisa Dayikên Aştiyê ku li navçeya Silopiyayê 3 rojan nobeta li dijî şer girtin, wiha gotin: “Em ji bo aştiyê amade ne, şer naxwazin.”&nbsp;

	&nbsp;

	Endamên Meclisa Dayikên Aştiyê li bajarokê Tilqebînê ya navçeya Silopiya ya Şirnexê bi dirûşma “Ji şer re na, a niha aştî” çalakiya nobetê dabûn destpêkirin. Dayikan, di roja sêyemîn de çalakiya xwe bi daxuyaniyekê bi dawî kirin. Gelek Dayikên Aştiyê yên Amed, Wan, Êlih, Mêrdîn, Colemêrg, Riha, Sêrt, Îzmîr û Mêrsînê, parlamenterên DEM Partiyê, MEBYA-DER, TUHAD-FED û gelek kesên din tev li daxuyaniyê bûn.&nbsp;

	&nbsp;

	'DAXWAZA AŞTIYÊ DAXWAZA HEMÛ KURDAN E’&nbsp;

	&nbsp;

	Parlamentera DEM Partiyê ya Şirnexê Newroz Uysal Aslan di daxuyaniyê de axivî. Uysal, wiha got: “Dayikan, daxwaza dayikan ew bû ku di mijara şerê li Kurdistanê tê domandin û aştiyê de gav bên avêtin. Mîna her carê, ev sê roj in dayikan ji bo bidawîkirina şer seknek nîşan dan. Ji Meclisê heta qadan, ji çalakiyên Gemlîkê heta çalakiya azadiyê û di çalakiya îro de, Dayikên Aştiyê li her derê xwestin rêya çareseriyê nîşan bidin.”&nbsp;

	&nbsp;

	Uysal, da zanîn ku daxwaza aştiyê ya dayikan daxwaza tevahiya gelê kurd e û wiha pê de çû: “Daxwaza aştiyê ya birêz Abdullah Ocalan e ku li Îmraliyê tê ragirtin. Dayikan di van 3 rojan de tevî her cureyên zordestiyê jî nobeta xwe domandin. Xwestin îro li vir bi daxuyaniyekê nobeta xwe bi dawî bikin. Rewşa şer a li Rojhilata Navîn, zextên li Bakur û nêzikatiya li hemberî pirsgirêka kurd jî helwesteke rast û gavên şênber ferz dike. Dayikan li vê derê nêzikatiya xwe nîşan dan.”

	&nbsp;

	'EM JI BO AŞTIYÊ AMADE NE’

	&nbsp;

	Ji Dayikên Aştiyê Emîne Eren spasiya hemû dayikên bi daxwaza aştiyê tev li nobetê bûn kir. Eren, wiha domand: “Ez li ser navê hemû Dayikên Aştiyê bangî Barzanî dikim; em ji bo sekinandina şer li vir in. Bila destê xwe ji xwîna kurdan bikişînin. Heke em şîv bûn, ew jî taştê ne. Heta ku şer disekine em ê her weke mertalên zindî tevbigerin. Em ji bo aştiyê amade ne û şer naxwazin.”&nbsp;

	&nbsp;

	Daxuyanî bi dirûşma “Bijî berxwedana dayikan” û bi çepikan bi dawî bû.&nbsp;