
Aqûbeta kesên di salên 90’î de hatine windakirin hate pirsîn 

2024-11-02 13:50:25


	NAVENDA NÛÇEYAN - ÎHD’ê û malbatên windakiriyan aqûbeta Mehmet Şirîn Bayram, Yilmaz Gumuş û Hamît Temel ên di salên 1990’an de hatin windakirin pirsîn.&nbsp;

	Komeleya Mafên Mirovan (ÎHD) û malbatên windakiriyan bi daxwaza “Bila windakirî bên dîtîn, faîl bên darizandin” vê hefteyê li Amed, Êlih û Colemêrgê hatin bahev.&nbsp;

	&nbsp;

	AMED&nbsp;

	&nbsp;

	Şaxa ÎHD’a Amedê û malbatên windakiriyan di hefteya 821’emîn a çalakiya xwe de li ber Bîrdariya Mafên Mirovan a li Parka Koşûyolûyê ya li navçeya Rezan a Amedê hatin bahev. Di çalakiya vê hefteyê de aqûbeta Mehmet Şirîn Bayram ê di 2’yê mijdara 1996’an de li navçeya Pasûrê hate windakirin hate pirsîn. Di daxuyaniyê de wêneyên windakiriyan hate hilgirtin.&nbsp;

	&nbsp;

	Xwişka Bayram Halîme Bayram destnîşan kir ku 28 sal in dest ji têkoşîna xwe ya maf bernedane. Bayram bal kişand ser êşên ji ber neçareserkirina pirsgirêka kurd û wiha got: “Heke li vî welatî behsa edalet, hiqûqê bê kirin, ev desthilat vê pirsgirêkê bi rêbazên demokratîk çareser bike divê ewilî Dayikên Şemiyê û têkoşîna wan a mafdar bibîne. Ev desthilat û ev saziyên dewletê ji malbatên windakiriyan re ji min re, ji dayik û bavê Şirîn re canekê deyndar in. Dayîna vî deynî wêrekî divê.”

	&nbsp;

	Endamê Komîsyona Windayan a ÎHD’ê Firat Akdenîz çîroka Bayram xwend. Daxuyanî bi çalakiya rûniştinê bi dawî bû.&nbsp;

	&nbsp;

	ÊLIH &nbsp;

	&nbsp;

	ÎHD’ê û malbatên windakiriyan di hefteya 657’an a çalakiya xwe ya li Êlihê de li ber Bîrdariya Mafên Mirovan a li ser Cadeya Gulistanê hatin bahev. Di çalakiyê de pankarta “Bila windakirî bên dîtin faîl bên darizandin” hate vekirin û wêneyên windakiriyan hatin hilgirtin. Malbatên windakiriyan, parazvanên mafên mirovan, endam û rêveberên OHD’ê û MEBYA-DER’ê tev li çalakiyê bûn. Di çalakiya vê hefteyê de rêveberê Şaxa ÎHD’a Êlihê Rezan Baytar çîroka Yilmaz Gumuş ê di sala 21’ê cotmeha 1993’yan de ku hêj 17 salî bû li Taxa Yeşîltepe ya Êlihê hate windakirin xwend. Daxuyanî bi çalakiya rûniştinê bi dawî bû.&nbsp;

	&nbsp;

	COLEMÊRG

	&nbsp;

	Şaxa ÎHD’a Colemêrgê û malbatên windakiriyan di hefteya 147’emîn a çalakiya xwe de li kolana hunerê ya li navçeya Gever a Colemêrgê hatin bahev. Malbatên windakiriyan û gelek kes tev li çalakiyê bûn. Di çalakiyê de pankarta “Bila windakirî bên dîtin faîl bên darizandin” hate vekirin û wêneyên windakiriyan hatin hilgirtin. Di çalakiya vê hefteyê de faîlên Halît Temel ê di 19’ê cotmeha 1991’an de ji aliyê kesên rûyê wan girtî ve hate revandin û cenazeyê wî li gundê peylan ê navçeya Geverê hate dîtin hate pirsîn.&nbsp;

	&nbsp;

	Sekretera Şaxa ÎHD’a Colemêrgê Pinar Zengîn Şen a diyar kir ku çiqas dem derbas bibe bila bibe dê pirsîna aqûbeta kesên hatine qetilkirin bidomînin û çîroka Halît Temel xwend. Daxuyanî bi çalakiya rûniştinê bi dawî bû.&nbsp;

	&nbsp;