
Xwebûn bi manşeta ‘Dizdê îradeyî’ derket 

2024-11-04 09:39:10


	NAVENDA NÛÇEYAN - Rojnameya Xwebûnê vê hefteyê bi manşeta “Dizdê îradeyî” derket.&nbsp;

	&nbsp;

	255’emîn hejmara rojnameya Xwebûnê bi manşeta kirmanckî ya “Dizdê îradeyî” derket. Piştî Wezîrê Karên Hundir ê dewleta tirk qeyûm tayînî şaredariya Esenyûrtê kir, rojnameyê bi analîzeke kirmanckî bal kişand ser polîtîkayên qeyûm û diziya vîna gel.

	&nbsp;

	Rojnameyê di surmanşetê de jî bi sernavê “Yekîtiya gelan dê dawiyê li şer bîne” bal kişand ser êrîşên dewleta tirk a li dijî Bakur û Rojhilatê Sûriyeyê. Di hevpeyvînê de Hevseroka TEV-DEM’ê Remziye Mihemed têkildarî êrîşên li ser herêmê destnîşan dike ku dê yekîtiya gelan dawiyê li şer bîne.&nbsp;

	&nbsp;

	Rojnameyê di rûpela JIN’ê de bi sernavê “Kirasê aştiye û derewên mafên mirovan” cih da nivîsa nivîskar Sorgul Şêxo. Sorgul Şêxo di nivîsa xwe de diyar dike ku heke cîhan dibêje Şoreşa Rojavayê hêvî ye; bersivên lêgerînên xwe li vir dibîne, şoreşa rastîn a ku ewqas sal in lê digere li vir dîtibe, divê ku xwedîlêderketineke mezin jê re çêbibe. Sorgul Şêxo destnîşan dike ku Kurdistan îro di nava agirê şoreş û serhildanê de ye.&nbsp;

	&nbsp;

	Di binmanşetê de jî rojnameyê bi sernavê “silav dê hêzê bide têkoşîna gelan” û bal kişand ser hêza slava Rêberê PKK’ê Abdullah Ocalan û bandora slavê ya li ser têkoşînê.&nbsp;

	&nbsp;