
Dosyaya Pexşan Ezîzî ji Dadgeha Bilind re hate şandin 

2024-11-05 14:25:56


	&nbsp;

	NAVENDA NÛÇEYAN - Dosyaya rojnamegera kurd Pexşan Ezîzî ya li Girtîgeha Evînê tê ragirtin ku derheqê wê de biryara îdamê hatibû dayin, ji Dadgeha Bilind re hate şandin.&nbsp;

	&nbsp;

	Li gorî nûçeya Ajansa Nûçeyan a Aktivîstên Mafên Mirovan a Îranê (HERANA); dosyaya rojnamegera kurd Pexşan Ezîzî ku ji bo înfazkirina biryara darvekirinê 18 roj in li Girtîgeha Evînê tê ragirtin, ji Dadgeha Bilind re hate şandin.&nbsp;

	&nbsp;

	Ev 120 roj in destûr nayê dayin Pexşan Ezîzî bi malbat û parêzerên xwe re hevdîtinê bike.&nbsp;

	&nbsp;

	Dadgeha Şoreşê ya Tehranê ya bi serokatiya dadger Îman Afsharî di 23’yê tîrmeha 2024’an de cezayê darvekirinê da parastvana mafên jinan a ji bajarê Mahabadê yê rojhilatê Kurdistanê, pispora xizmetên civakî û rojnamegera kurd Pexşan Ezîzî.&nbsp;

	&nbsp;