
Li Wan û Amedê gel li dijî desteserkirina îradeyê meş li dar xistin

2024-11-08 14:14:54


	WAN/ AMED -&nbsp;&nbsp;Li Wan û Amedê bi hezaran kes li dijî desteserkirina şaredariyên Mêrdîn, Êlih û Xelfetiyê meş li dar xistin.&nbsp;

	
		Di 4’ê mijdarê de li Şaredariya Bajarê Mezin a Mêrdînê, Şaredariya Êlihê û Şaredariya Xelfetî ya Rihayê yên di bin rêveberiya DEM Partiyê de qeyûm hatin tayînkirin. Çalakiyên li dijî tayînkirina qeyûman didomin. Gelê Wanê li dijî tayînkirina qeyûman, meşeke girseyî li dar dixe. Girseya li ber avahiya DBP’ê kom bû, ber bi Qada Beşyolê ve meşiya.&nbsp;
	
		&nbsp;
	
		LI AMED Ê MEŞ TÊ LIDARXISTIN&nbsp;
	
		&nbsp;
	
		Bi pêşengtiya Partiya Wekhevî û Demokrasiyê ya Gelan (DEM Partî), Partiya Herêmên Demokratîk (DBP) û Tevgera Jinên Azad (TJA), li dijî tayînkirina qeyûm a li şaredarên Bajarê Mezin a Mêrdînê, Êlih û Xelfetiyê li Amedê meş tê lidarxistin. Hevseroka Giştî ya DEM Partiyê Tulay Hatîmogûllari, Hevseroka &nbsp;Giştî ya DBP’ê Çîgdem Kiliçgun Uçar, hevşaredar û nûnerên rêxistinên civaka sivîl jî tev li meşê bûn.&nbsp;
	
		&nbsp;
	
		Bi hezaran kesên li Qada Şêx Seîd hatin gel hev, heta Birca Keçikê ya li Deriyê Mêrdînê meşiyan.
	
		&nbsp;