
Li 3 bajaran gelek kes hatin binçavkirin 

2024-11-27 10:27:28


	&nbsp;

	NAVENDA NÛÇEYAN - Li Şirnexê hejmara kesên hatin binçavkirin derket 23’yan. Li Dêrsim û Amedê jî 6 kes hatin binçavkirin.

	&nbsp;

	Di serdegirtinên malan ên li bajarokê Ereban a navçeya Hezexê ya Şirnexê de endama Meclisa Giştî ya Bajar a DEM Partiyê Muzeyyen Înan û 2 kesên navên wan nehatin zanîn hatin binçavkirin. Sedema binçavkirinan nehat zanîn û her 3 kes jî birin Midûriyeta Emniyetê ya Bajar.&nbsp;

	&nbsp;

	Duh di encama serdegirtinên malan ên li Şirnexê de 20 kes hatibûn binçavkirin. Navên hin kesên hatine binçavkirin ev in: “Zinar Elînç (17), Halîl Kizilcan, Omer Basan, Amed Sevîm, Kadrî Îrtegun, Salih Urgen, Hakki Belge û Nizar Akbaş.”

	&nbsp;

	Bi binbçavkirina 3 kesên dawî re hejmara binçavkiriyên li Şirnexê derket 23’yan.&nbsp;

	&nbsp;

	LI DÊRSIM Û AMEDÊ BINÇAVKIRIN&nbsp;

	&nbsp;

	Di serê sibehê de li Dêrsimê bi ser gelek malan de hate girtin û welatiyên bi navên Çagdaş Kayaoglû, Mûrat Karaboga û Ridvan Gul hatin binçavkirin. Kesên hatin binçavkirin birin Midûriyeta Emniyetê ya Dêrsimê.&nbsp;

	&nbsp;

	Di serdegirtinên malan ên îro yên li navçeya Farqînê ya Amedê de jî welatiyên bi navên Huseyîn Melîk, Eşref Gensur û Mehmet Can Evren hatin binçavkirin. Hat zanîn ku binçavkirî birin Midûriyeta Emniyetê ya Amedê.&nbsp;