
Mazlum Ebdî têkildarî civîna li Urdunê daxuyanî da

2024-12-15 16:07:10


	NAVENDA NÛÇEYAN - Fermandarê Giştî yê HSD’ê Mazlum Ebdî têkildarî civîna duh li Urdunê têkildarî pêşeroja Sûriyeyê hatiye lidarxistin axivî û wiha got: “Li Sûriyeyê istiqrar bi beşdarkirina tevahî aliyan û mîsogerkirina yekitiya xaka wê ku rê li ber aştiyeke mayînde vedike, dest pê dike.”&nbsp;

	Fermandarê Giştî yê Hêzên Sûriyeya Demokratîk (HSD) Mazlum Ebdî têkildarî civîna duh li Urdunê derheqê pêşeroja Sûriyeyê li bajarê Eqebê hatiye lidarxistin de daxuyanî da.&nbsp;

	&nbsp;

	Peyama Mazlum Ebdî li ser hesaba xwe ya medyaya dijîtal X’ê parve kirî wiha ye: “Em encamnameya lutkeya Eqebê ya wezîrên karên derve ya welatan Ereban a der barê Sûriyeyê de erênî dibînin. Di heman demê de em piştgiriya hewldana Erebî ya ji bo avakirina aramiya li Sûriyeyê, dikin. Wekî gaveke bingehîn a ber bi diyalogên çêker ên ji bo avakirina Sûriyeke nû ve dibînin. Em teqez dikin ku girîng e li gorî encamnameyê tevahî çalakiyên leşkerî li seranserî xaka Sûriyeyê werin rawestandin.

	&nbsp;

	Li Sûriyeyê istiqrar bi beşdarkirina tevahî aliyan û mîsogerkirina yekitiya xaka wê ku rê li ber aştiyeke mayînde vedike, dest pê dike."

	&nbsp;