
Li 3 noqteyên sînor dê çalakiyên girseyî bên lidarxistin 

2024-12-30 11:03:27


	NAVENDA NÛÇEYAN - Li dijî êrişên ser Bakur û Rojhilatê Sûriyeyê dê li Nisêbîn, Pirsûs û Hatayê meş bên lidarxistin.&nbsp;

	Êrişên dewleta tirk û koma wê ya paramîlîter a SMO’yê yên li ser Bakur û Rojhilatê Sûriyeyê didomin. Li dijî êrişan, li ser sînorê Nisêbîn a Mêrdînê û Pirsûs a Rihayê çalakiyên nobetê hatibûn destpêkirin û çalakî didomin.&nbsp;

	&nbsp;

	Hat zanîn ku dê di serê meha Çileyê de çalakiyên li ser sînor bi girseyî bên ziyaretkirin. Li gorî agahyên hatine bidestxistin; di 2’yê Çileyê de dê çalakvanên di nobeta ser sînorê Nisêbîn-Qamişloyê de bi girseyî bên ziyaretkirin û ber bi sînor ve meş were lidarxistin. Di 3’yê Çileyê de jî dê nobeta li ser sînorê Pirsûs-Kobanê bi girseyî bê ziyaretkirin û ber bi sînor ve meş bê lidarxistin.&nbsp;

	&nbsp;

	Di 4’ê Çileyê de jî li Hatayê dê meş bê lidarxistin û çalakiya nobetê bê destpêkirin. Di çalakiya nobetê ya li vê derê de her wiha dê li dijî êrişên ser Elewiyan ên li Sûriyeyê bên protestokirin.&nbsp;

	&nbsp;

	Tê payin ku Hevserokên Giştî yên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) jî beşdarî çalakiyên di 2, 3 û 4’ê Çileyê de bibin. Her wiha tê payin ku hêzên ked û demokrasiyê û nûnerên rêxistinên Elewiyan jî tev li çalakiyan bibin.&nbsp;

	&nbsp;