
Tehliyeya Çelebî careke din hate taloqkirin 

2025-01-22 15:13:17


	&nbsp;

	ENQERE - Tehliyeya girtî Adnan Çelebî careke din bi hinceta “poşman nîne” û “neçûye qawîşa girtiyên serbixwe” ji bo 3 mehan hate taloqkirin.&nbsp;

	&nbsp;

	Adnan Çelebî li Girtîgeha Tîpa T a Tokatê tê ragirtin û cezayê wî di 11’ê Îlona 2024’an de xelas bû. Lê belê Lijneya Îdare û Çavdêriyê roja ku dê Çelebî tehliye bûbûya, tehliyeya wî ji bo 3 mehan taloq kir.&nbsp;

	&nbsp;

	Çelebî, di 11’ê Kanûnê de careke din derket pêşberî lijneyê. Lijneyê, vê carê jî bi hincetên weke “Poşman nîne” û “Neçûye qawîşa girtiyên serbixwe” tehliyeya Çelebî ji bo 3 mehan taloq kir.&nbsp;

	&nbsp;

	DER HEQÊ ÇELEBÎ DE

	&nbsp;

	Adnan Çelebî, di 14’ê Îlona sala 1994’an de li navçeya Mûtkî ya Bedlîsê hate binçavkirin. Di 14’ê Cotmeha sala 1994’an de jî bi îdiayên “Endamtiya rêxistinê” û “Xerakirina yekitî û yekparetiya dewletê” cezayê muebbetê lê hate birîn.&nbsp;

	&nbsp;