
Rojnameger Ahmet Guneş hate berdan 

2025-02-04 15:58:42


	STENBOL - Rojnameger Ahmet Guneş ku girtî bû, piştî amadekirina îdianameyê hate berdan.&nbsp;

	Rojnameger Necla Demîr, Rahîme Karvar, Ahmet Guneş, Welat Ekîn, Vedat Oruç û Reyhan Hacioglû di 17’ê Çileyê di çarçoveya lêpirsîna Serdozgeriya Komarê ya Stenbolê di serdegirtinên malan de hatibûn binçavkirin û bi îdiaya “endamtiya rêxistinê” hatibûn girtin. Rojnameger Eylem Babayîgît jî di çarçoveya heman lêpirsînê de di 24’ê Çileyê de hatibû binçavkirin û girtin.&nbsp;

	&nbsp;

	Rojnameger Ahmet Guneş li Girtîgeha Marmarayê dihat ragirtin û îdianameya wî hate amadekirin. Piştî amadekirina zaptên tensîpê re der heqê Guneş de biryara teyliyeyê hate dayin.&nbsp;

	&nbsp;

	Di îdianameyê de nûçe û bernameyên nîqaşan weke “sûc” hatin nîşandan. Her wiha Guneş ji ber nirxandinên têkildarî tecrîda li ser Rêberê PKK’ê Abdullah Ocalan jî hate “sûcdarkirin.”&nbsp;

	&nbsp;

	Îdianame, ji hêla 25’emîn Dadgeha Cezayên Giran a Edliyeya Stenbolê ve hate qebûlkirin. Danişîna ewil a dozê dê di 8’ê Gulanê de were lidarxistin.&nbsp;

	&nbsp;