ROJEVA 5’Ê ÎLONA 2025’AN 

2025-09-05 09:00:03


	* Fermandara YPJ'ê Newroz Ehmedê diyar kir ku jin ne tenê qurbaniyên şerên hegemonîk ên mêrekî ne, ew yên şerên hegemonîk jî ne û got: "Jin bi qasî ku karibin xwe birêxistin bikin dikarin destkeftiyên xwe biparêzin. Ji ber vê yekê, banga me ji bo hemû jinan ew e ku di çarçoveya xweparastinê de xwe birêxistin bikin."

	 

	* Di çarçoveya kampanyaya "Ez dixwazim hevdîtinê bi Abdullah Ocalan re bikim" de ku du meh li dû xwe hiştin, bi çalakiyên curbicur bi sedan kesayet û saziyên navneteweyî yên naskirî, doza azadiya fizîkî ya Abdullah Ocalan kirin. 

	 

	* Nivîskar Murat Mihçi diyar kir ku ger bi komkujiya 6-7'ê Îlonê re hevrûbûn çênebe, dibe ku gelên ku wekî "yên din" tên dîtin rojekê bibin hedef û got ku Banga Aştî û Civaka Demokratîk a Abdullah Ocalan firsendeke baş e ji bo hevrûbûna bi van êşan re.  

	 

	* MKG û DFG'ê dê 6'ê Îlonê Roja Çapemeniya Azad bi çalakiyên curbicur pêşwazî bike. Endama Lijneya Rêveberi a MKG'ê Arjîn Dîlek Oncel û Hevseroka DFG'ê Kesîra Onelê banga beşdariya li çalakiya ku dê hunermend Kasim Taşdogan derkeve ser dikê, kirin. 

	 

	* Şaredariya Tatosê di bin navê xebatên pirzimaniyê de, gelek deverên bajêr bi wêneyên dengbêjan xemiland. 

	 

	* Karkerên çandiniyê yên ku li Nîgdeyê bi êrişeke nijadperest re rû bi rû man, diyar kirin ku di êrişê de hat xwestin hemû kesên li wir bên qetilkirin û li dijî vê banga edaletê kirin. 

	 

	* Li Daristana Bajar a Karadagê ya li Semsûrê bi hinceta çêkirina rêyê qirkirina daran tê kirin.

	 

	* Koma Înîsiyatîfa Muzeya Hafizeyê ya Girtîgeha Hejmar 5 a Amedê dê li pêşiya Girtîgeha Hejmar 5’ê daxuyaniyê bide. (12.00)

	 

	* Şaxa ÎHD’a Şirnexê dê rapora xwe ya têkildarî binpêkirinên mafan ên li Girtîgeha Tîpa T a Şirnexê parve bike. (15.00)