
Îlham Ehmed dê di konferansa li Stenbolê de biaxive 

2025-12-05 14:29:40


	STENBOL - Hevseroka Daîreya Karên Derve ya Rêveberiya Xweser a Bakur û Rojhilatê Sûriyeyê Îlham Ehmed dê di roja ewil a “Konferansa Aştî û Civaka Demokratîk a Navneteweyî” de biaxive.&nbsp;

	&nbsp;

	Partiya Wekhevî û Demokrasiyê ya Gelan (DEM Partî) dê di 6-7’ê Kanûnê de li Stenbolê “Konferansa Aştî û Civaka Demokratîk a Navneteweyî” li dar bixe. Pêvajoya Aştî û Civaka Demokratîk ku Rêberê Gelê Kurd Abdullah Ocalan di 27’ê Sibatê de dabû destpêkirin, dê di konferansê de tevî tecrûbeyên cîhanê were nîqaşkirin. Ji Baskê heta Efrîqeya Başûr, ji Sinn Feinê heta Ingilistanê, Qazaxistan û Belçîkayê dê gelek kes tev li konferansê bibin.&nbsp;

	&nbsp;

	ÎLHAM EHMED JÎ DÊ TEV LI BIBE

	&nbsp;

	Konferans dê li Eywana Konferansê ya Cem Karaca bê lidarxistin. Di roja ewil a konferansê de yek ji axêveran jî Hevseroka Daîreya Pêwendiyên Karên Derve ya Rêveberiya Xweser a Bakur û Rojhilatê Sûriyeyê Îlham Ehmed e. Îlham Ehmed dê bi rêya telekonferansê beşdarî konferansê bibe.&nbsp;

	&nbsp;

	Di heman demê de nûnerê Serokê Giştî yê PDK’ê Mesûd Barzanî, endama Polîtburoya PDK’ê Amîna Zikrî û parlamentera Kurd û endama Meclisa Gel a Qazaxistanê Narîn Nadîrova jî dê di konferansê de biaxivin. &nbsp; &nbsp; &nbsp; &nbsp;&nbsp;