
Di serdegirtina malan de gellek kes hatin binçavkirin 

2018-10-05 12:23:13


	&nbsp;

	NAVENDA NÛÇEYAN – Li Wan, Mêrdîn,&nbsp;Riha, Erzirom, Hatay û Edeneyê polîsan bi ser gelek malan de girt û gellek kes binçav kirin. Polîsan li Wanê bi ser mala rojnameger Adnan Bîlen de jî girt.&nbsp;

	&nbsp;

	Li Wanê serê sibê polîsan bi awayek hemwext bi ser gellek malan de girt. Polîsan bi ser mala Hevşaredara Qelqeliyê Handan Bagci de girt û wê û apê wê Zubeyîr Bagci binçav kir. Hat zanîn ku Bagci di çarçoveya dosyeyek din jê tê darizandin hefteyê 4 rojan diçû emniyetê îmzeyê.&nbsp;

	Li taxa Mergî ya navçeya Qelqeliyê rêveberê HDP’a Qelqeliyê Veysî Gursel hat binçavkirin û ew birin Miduriyeta Polîsan a Qelqeliyê.&nbsp;

	&nbsp;

	Polîsan li navçeya Erdîşê jî bi ser mala rêvebera HDP’ê Ayfer Sayat a li taxa Yeşîlova rûdinê girtin û ew binçavkirin birin Miduriyeta Polîsan a Edîşê.&nbsp;

	&nbsp;

	Polîsan li navenda Wanê bi ser mala rojnameger Adnan Bîlen de jî girtin û li malê lêgerîn pêkanîn. Sedemê serdegirtina malê nehat zanîn.

	Hat zanîn ku dibe hejmara binçavkiriyan zêde bibe.&nbsp;

	&nbsp;

	LI ERZIROMÊ 10 KES HATIN BINÇAVKIRIN&nbsp;

	Li navenda Erzirom û navçeya wê Qereyaziyê polîsan bi ser mala gellek welatiyan de girt. Welatiyê bi navê Saît Kanmaz li navenda Erziromê hat binçavkirin. Li navçeya Qereyaziyê jî Umît Sonmez, Yakup û Şehmuz Bulbul û Yunus û Aydin Seven hatin binçavkirin. Sedemê binçavkirina welatiyan nehat zanîn û ew birin miduriyetên polîsan.&nbsp;

	Li navçeya Tekmanê ya Erziromê polîsan bi ser mala rêveberên DBP’ê de girtin û Abdullah Akkus, Abdulkadîr Denîz, Bakî Ozdemir, Adnan Bîngol hatin binçavkirin. Sedema binçavkirina 4 kesên nehat zanîn birin Miduriyeta Polîsan a Tekmanê.&nbsp;

	&nbsp;

	LI EDENE 12 KES HATIN BINÇAVKIRIN&nbsp;

	&nbsp;

	Li Edeneyê jî serê sibê polîsan bi awayek hemwext bi ser gellek malan de girt. Di serde girtina malan de polîsan dest danî ser alavên elektronîk. Polîsan piştî malan ser û bin kir 6 kesên navê wan nehat zanîn jî binçav kir û ew birin Miduriyeta Polîsan Edeneyê.&nbsp;

	&nbsp;

	Polîsan li taxên Kuçukkirim, Yersuat, Belediyeevlerî û Altiocak ên navçeya Ceyhanê jî bi ser gellek malan de girt. Polîsan deriyê malan şikand û kel û melên malan li nav hev xist. Di serdegirtinê de welatiyên bi navê Îsmet Aksal, Mehmet Atabay, Huseyîn Kaya, Haşîm Zîrek, Alî Osman Utar û Eyup Beytekîn biçnav kir û ew birin Miduriyeta Polîsan a Ceyhanê.&nbsp;

	&nbsp;

	LI RIHAYÊ KESEK HAT BINÇAVKIRIN&nbsp;

	&nbsp;

	Li navçeya Wêranşarê ya Rihayê jî polîsan bi ser mala Şemsa Dagdelen Erdemcî ve girtin û ew binçav kirin. Hat zanîn ku dê Erdemcî 24 saetan nikaribe bi parêzer xwe re hevdîtin bike.&nbsp;

	
		&nbsp;
	
		LI HATAYÊ ENDAMEK HDP’Ê HAT GIRTIN
	
		Li navçeya Dortyolê ya Hatayê endamê HDP’ê Hayrettîn Ozbay yê hat binçavkirin derxistin edliyeyê û bi îdiaya li ser medya civakî “propaganda rêxistinê kiriye” hat girtin. Ozbay şandin Girtîgeha Tîpa T a Îskenderûnê.
	
		LI QOSERÊ HDP’YÎ Û DBP’YÎ HATIN BINÇAVKIRIN
	
		Li navçeya Qosera Mêrdînê jî polîsan bi ser gellek malan de girt û di serdegirtinê de mal hatin serûbinkirin û welatî binçav kirin. Di serdegirtina malan de endam û rêveberên berê yên HDP’ê û DBP’ê Hamdiye Turgay, Yasemin Demirkaya, Melahat Oral, Hakki Akansel, xebatkarên şaredariyê yên berê Hamdullah Eres, Serdar Çetîn û Mesut Yigît hatin binçavkirin.
	
		Hinceta binçavkirinê nehat zanîn û binçavkiriyan birin Miduriyeta Polîsan a Qoserê. Hat gotin dibe ku hejmara binçavkiriyan zêde bibe.
	
		&nbsp;
	
		&nbsp;


	&nbsp;