
Li ber Girtîgeha Bakirkoyê banga danişîna rojnamegeran kirin 

2018-11-27 14:47:36


	&nbsp;

	STENBOL – Rojnameger ji bo hempîşeyên xwe yên girtî li ber Girtîgeha Bakirkoyê kom bûn û banga beşdariya danişîna rojnamegeran a hefta bê kirin.

	&nbsp;

	Kedkarên çapemeniya azad bi boneya balê bikişînin ser doza hevpîşeyên xwe yên girtî li ber Girtîgeha Tîpa L a Jinan a Bakirkoyê daxuyaniya çapemeniyê li dar xistin. Gelek rojnameger beşdarî daxuyaniyê bûn û pankarta “Rojnamegerî ne sûc e, ji rojnamegerên girtî re azadî” hildan û dirûşma “Çapemeniya azad nayê bêdengkirin” berz kirin.&nbsp;

	&nbsp;

	Di çalakiyê de ewilî Endama Platforma Rojnamegerên Jin a Mezopotamyayê Safiye Alagaş axivî û diyar kir ku ew ji bo hevalên xwe yên girtî hatine gel hev û got: “Em dixwazin hemû hevalên me demildest bên berdan. Ji ber rojnameger rastiyê dinivîsînin tên girtin. Rojnameger neneçarin wek desthilatdariyê bifikirin. Lê rojnameger neçarin ku rastiyê binivîsînin. Çi dibe bila bibe em ê tu demê ji rastiyan tawîz nedin û rastiyê binivîsînin.”&nbsp;

	&nbsp;

	‘NÛÇE NIVÎSANDINA ME DIKIN SÛC’&nbsp;

	&nbsp;

	Endama Platformê Kevser Ozkaynak daxuyanî xwend û wiha got: “Adeta dixwazin pîşeya rojnamegeriyê edeb bikin. Rastiyan bi şidet û zextan dixwazin bêdeng bikin. Em di serdemek wiha de derbas dibin. Nûçe çêkirin, pirsên me, dîmen kişandina me û heta parvekirina nûçeyên em çêdikin jî dikin sûc. Dozan li gelê me vedikin. Tevî ku rojnameger rastiyê derdixin holê jî lê şûna berpirs bên darizandin dîsa jî rojnamegeran didarizînin û bedelê wê rojnameger didin.”&nbsp;

	&nbsp;

	‘DOZGER JÎ BI QASÎ ME ŞAHID E’&nbsp;

	&nbsp;

	Ozkaynak daxwaza berdana hemû rojnamegeran kir û wiha domand: “Nûçegihanên ETHA’yê Îsmînas Temel, &nbsp;Pinar Gayip, Semîha Şhaîn, xebtkarên Rojnameya Ozgurlukçu Demokrasî Hîcran Urun, Reyhan Hacioglu, Îhsan Yaşar, Îshak Yasul û Mehmet Alî Çelebî dê vê hefteyê cara duyem derkevin pêşberî dadger. Em carek din dibêjin hevalên me berdin. Em şahidin ku hemû hevalên me rojnameger in. Nûçeyên çêkirine û wêneyên kişandina şahidiya rojnamegeriya wan dike. Wisa ye ku ev nûçe û wêne ketine dosyeyên wan. Dozgerê dosye amade kiriye jî herî kêm wek me şahid e ku hevalên me rojnamegerin.”&nbsp;

	&nbsp;

	ROJNAMEGER EVREN JÎ DERDIKEVE PÊŞBERÎ DADGER&nbsp;

	&nbsp;

	Ozkaynak bi bîr xist ku rojnameger Kîbriye Evren a li Amedê hat girtin jî dê di 6’ê kanûnê de danişîna wê li Amedê bê dîtin û xwest Evren demildest bê berdan.&nbsp;

	&nbsp;

	DANIŞÎN LI PEY HEV IN&nbsp;

	&nbsp;

	Ozkaynak der barê danişînan de agahî da û got nûçegihana ETHA’yê Îsmînaz Temel di 29’ê mijdarê de li Dadgeha Stenbolê, Semîha Şahîn û Pinar Gayip jî dê di 5’ê kanûnê de li Dadgeha Stenbolê, roja 6’ê kanûnê jî dê danişîna doza xebatkarên Ozgurlukçu Demokrasiyê li Dadgeha Stenbolê bê dîtin.&nbsp;

	&nbsp;

	PEYAMA TEMEL HAT XWENDIN&nbsp;

	&nbsp;

	Piştî daxuyaniyê nûçegihana ETHA’yê Ebrû Yigît peyama rojnameger Îsmînaz a ji girtîgehê şandibû xwend.&nbsp;

	&nbsp;

	Çalakî bi berzkirina dirûşman bi dawî bû.&nbsp;