
TUAYDAR’a Çûkûrova: Bila tecrîd bi dawî bibe

2018-12-24 15:47:32


	&nbsp;

	MÊRSÎN - TUAYDER’a Çûkûrova, diyar kir ku ew piştgiriyê didin grevên birçîbûnê yên li dijî tecrîdê yên li girtîgehan hatin destpêkirin û got: “Divê tecrîd dimildest bê rakirin.”

	&nbsp;

	Komeleya Piştevanî û Alîkariya Malbatên Girtî û Hikûmxarên Çûkûrova (TUAYDER), li avahiya xwe darbarê grevên birçîbûnê yên li dijî tecrîda li ser Rêberê PKK’ê Abdullah Ocalan li girtîgehan hatin destpêkirin, civîna çapemeniyê li dar xist &nbsp;û bal kişandin ser tecrîdê.

	&nbsp;

	‘EM XWEDÎ DERDIKEVIN’

	&nbsp;

	Rêveberên HDP’ê, HDK’ê, DBP’ê û ÎHD’ê piştgirî dan civînê û di civînê de pankarta “Bi rihê berxwedana zindanan em tecrîdê bişkînin û azad bibin” hat vekirin. Ji rêveberên TUAYDER’ê Alî Bîlen daxuyanî da. Bilen, diyar kir ku tecrîdek girankirî ji sala 2015’an ve li ser Rêberê PKK’ê Abdullah Ocalan tê meşandin û wiha axivî: “Ev pêkanîn, biryarek siyasiye. Çalakiya Hevseroka KCD’ê Leyal Guven di roja 47’an berdewam dike. Em heya dawiyê xwedî çalakiya wê derdikevin.”&nbsp;

	&nbsp;

	'DIVÊ TECRÎD BÊ RAKIRIN'

	&nbsp;

	Bilen, di dawiya daxuyaniya xwe de ev tişt gotin: “Li zindanên Tirkiye û Kurdistanê gelek girtiyên siyasî dest bi çalakiya greva birçîbûnê ya bêdem û bêdorveger kirin. Em jî weke TUAYDER’a Çûkûrova xwedî van çalakiyan derdikevin. Ji bo ku em daxwazên girtiyên siyasî bixin rojevê, ked bidin û dinava hewldanan debin. Ji bo ku em bibin welatek demokratîk û azad, divê polîtîkayên tecrîdkirina giran ên li ser Ocalan bi dawî bibin.”

	&nbsp;

	Piştî daxuyaniê civîn bi dawî bû.&nbsp;

	&nbsp;