10 xalên hevdîtinên Rêveberiya Xweser û rejîma Sûriyê

2019-01-19 15:36:19


	 

	NAVENDA NÛÇEYAN - 10 xalên ku Rêveberiya Xweseriya Demokratîk ji bo hevdîtinên bi rejîma Sûriyê re parve bike amade kirin, aşkere bûn. Ji 10 xalan ên derketin pêş, Yekitiya axa Sûriyê, parastin û perwerdeya li herêmên Rêveberiya Xweser e. 

	 

	Hin xalên belgenameya ku Rêveberiya Xweser a Demokratîk ji bo hevdîtinên bi rejîma Sûriyê re amade kirine aşkere bûn. Belgeyên gihişt destê Ajansa Nûçeyan a Hawarê (ANHA), li ser malpera xwe parve kir. 

	Hin xalên ku gihîştine ANHA`yê wiha ne:

	 

	1-Yekitiya axa Sûriyê.

	 

	2-Sîstema Sûriyê dê sîstemeke komarî ya demokratîk be, rêveberiyên xweser beşek ji vê sîstemê ne.

	 

	3-Dê nûnerên rêveberiya xweser di parlemana navendî ya li Şamê de hebin.

	 

	4-Li kêleka ala Sûriyê dê alên rêveberiyên xweser jî hebin.

	 

	5-Xebatên dîplomasiyê li herêmên rêveberiyên xweser bi awayê ku ne li dijî berjewendiyên gelên Sûriyê û ne li dijî makezagonê (destûr) bin, bêne birêvebirin.

	 

	6-Hêzên Sûriya Demokratîk (QSD) beşek ji artêşa Sûriyê ne, ew berpirsê parastina sînorên Sûriyê ne.

	 

	7-Hêzên Ewlehiya Hundirîn li herêmên rêveberiyên xweser, girêdayî meclisên herêmî dixebitin, bi awayê ku ne li dijî makezagona Sûriyê be.

	 

	8-Li herêmên rêveberiyên xweser zimanê dayikê zimanê perwerdeyê ye, zimanê fermî jî li Sûriyê erebî ye.

	 

	9-Li herêmên rêveberiyên xweser li fakulteyên dîrok, çand, ziman û wêje û beşên girêdayî wan, zimanê perwerdeyê dê zimanên herêmî bin.

	 

	10-Xêr û bêrên (dewlemendÎ) Sûriyê bi awayekî dadmend li herêman bêne belavkirin.