Duzdaş ji bo Leyla helbest nivîsî û stra

2019-01-24 11:50:53


	 

	STENBOL - Hunermend Ayfer Duzdaş, ji bo Hevseroka Kongreya Civaka Demokratik (KCD) Leyla Guven a li dijî tecrîdê 78 rojin di greva birçîbûnê de ye, helbestek nivisand û stra. 

	 

	Greva birçîbûnê ya bêdawî û bêdorveger a Hevseroka Kongreya Civaka Demokratik (KCD) û Parlamentera HDP’ê ya Colemêrgê Leyla Guven ji bo rakirina tecrîdkirina Rêberê PKK’ê Abdullah Ocalan, di roja 78'an de berdewam dike. Guven li Girtîgeha Tîpa E ya Amedê di grevê de ye û bi biryare heta tecrid bi dawî nebe dest ji çalakiyê bernede. Hunermend Kurd Ayfer Duzdaş, ji bo Hevseroka Kongreya Civaka Demokratik (KCD) Leyla Guven a li dijî tecrîdê 78 rojin di greva birçîbûnê de ye, helbestek nivisand û stra. Duzdaş, li ser medya civakî  helbest û newaya stranê parve kir. Duzdaş, bi vê helbest û newaya stranê piştgirî da çalakiya Guven.

	 

	Helbesta newaya stranê wiha ye: 

	 

	Keçên kurdan şervan in

	Hember tarî bang didin

	 

	Şêr li her derê şêr e

	Çi jinê xwe çi mêr e

	 

	Leyla navê jiyan e

	Leyla deng da cîhane

	 

	Bû hevala Zarîfe

	Hember tarî deng dide

	 

	Ez Dicle û Firat im

	Qoçgirî Ararat im

	 

	Di zindan de deng didim

	Keça kurd im serbilind im

	 

	Berxwedana sedsalî

	Şev lê da şeva tarî

	 

	Di zindanên zaliman da

	Bi me re Xizirê Kalî

	 

	Lînga newayê wiha ye: https://www.youtube.com/watch?v=f6nhtLHnS-Q&feature=youtu.be