ROJEVA 13'Ê MIJDARA 2019'AN

2019-11-13 09:00:17


	*  Bi ser şewitandina Sînemaya Amûdê re 59 sal derbas bûn. Li gel ewqas sal jî sedema şewata li Sînemayê nayê zanîn û tu kes nehatiye darizandin.

	* Partî û rêxistinên kurdan derbarê yekîtiya neteweyekî de, anîn ziman ku divê yekîtî li ser esasên neteweyî û demokratîk pêk bê û hemû partî bîrdoziyên xwe deynin aliyekî û ji bo berjewendiyên gelê kurd têbikoşin.

	 

	* Serokê Platforma Komeleyên Rojhilat Başûrrojhilatê Abdulhakîm Daş, anî ziman ku heger yekîtiya neteweyî çê nebe wê êrîş bidomin û got: "Heger yekîtiya neteweyîî çê nebe wê êrîşên li ser gelê kurd bidomin." 

	 

	* Mûstafa Koçak, ji bo li dadgehên adil û serbixwe bê darizandin 44 roj in di rojiya mirinê de ye. Dê û bavê wî, bang kirin û gotin: "Em ji bo kurê xwe edaletê dixwazin. Tiştên îro hatine serê me, dibe sibê bês erê we jî." 

	 

	* Endama Tevgera Serdestiya Madenê ya Brezîlyayê Camîla Mûdrek, anî ziman ku li Bolîvyayê kesên nikarin bi awayekî aşkere darbeyê bikin, mekanîzmaya parlementeriyê bi kar anîne û darbe kirine. Mûdrek got, li Amerîkaya Latîn kelehên çepgiriyê hedef tên girtin. 

	 

	* Jinên ku hinarên bi nav û deng ên Pirsûsê dikin tirşî, bang li her kesî kirin ku ji dêvla berên li marketan tên firotin, berên xwezayî tercîh bikin. 

	 

	* Piştî Trûmp, biryara vekişandinê dabû, hunermendê avûstralyayî Les Thomas bi navê "Îxaneta Mezin" stranek çê kiribû. Thomas, got: "Heger li cîhanê kesên din xwe ji pêşdaraziyan daweşînin û bikaribin bibînin, wê gelek tiştan ji Rojavayê hîn bibin." 

	
		 
	
		* Danişîna doza Hevseroka Kongreya Civaka Demokratîk (KCD) Leyla Guven ku 46 sal ceza jê tê xwestin dê li 9'emîn Dadgeha Cezayên Giran a Amedê bê dîtin. (09.00-16.00)
	
		 
	
		* Danişîna doza kuştina Berkin Elvan dê li 17’emîn Dadgeha Cezayên Giran a Stenbolê bê dîtin. (10.00) 
	
		 
	
		* Rêxistina HDP'ê ya Stenbolê dê têkildarî binçavkirina 36 endamên Meclîsa Ciwanan a HDP'ê, li avahiya bajar civîna çapemeniyê li dar bixin. (11.00) 
	
		 
	
		* Platforma Sendikaya Karkeran a Stenbolê ji bo balê bikişînin ser mafê karkeran dê Qada Azadiyê Ozgurluk  Bakirkoyê daxuyaniyê bidin çapemeniyê. (12.30)
	
		 
	
		* Meclîsa Jinan a HDP'ê dê li di çarçoveya 25'ê mijdarê Roja Têkoşîna Navneteweyî ya li dijî tundiya Jinan li Stewra Mêrdînê bi jinan re bicivin. (13.00)