Piştî Wezîrê Karên Hundir qeyûm Walî H. Engin Sariîbrahîm tayînî şaredariya Îdirê ya di destê HDP'ê de bû kir, vê carê pereyê şaredariyê dixe xizmeta saziyên eskerî û dewletê. Qeyûm ewil pirtûkxane û kompleksa werzişê ji bo rêxistinên nêzî AKP'ê xistin xizmetê. Niha jî ji butçeya şaredariyê xizmeta eskeriyê dike. Qeyûm Sariîbrahîm, piştî tayînî şaredariyê bû, di Kanûnê de bi 3 kesan civîna meclîsê li dar xist. Qeyûm bi 3 endamên meclîsê biryar girt ku pereyên şaredariyê ji bo dîwarê eskeriyê yê Fermandariya Cendirmeyan a Îdirê xerç bike. Şaredariyê bi 3 kesan biryar da ku 57 hezar û 823 metrekare dîwarê eskeriyê yê Fermandariya Cendirmeyan a Îdirê bi pereyê şaredariyê lêbike. 

 

Qeyûmê Îdirê li ser nivîsa Fermandariya Cendirmeyan a Îdirê ya dîroka 25.11.2020'an û hêjmara 8033801-390.99-6129659/Loj.Ş'an, di çarçoveya tedbîrên ewlehiyê de li ser Parsela Hêjmar 66'an li ser eniya başûr a 57.823,65 metre kare dîwar ava bikin û vî dîwarî bi pereyên şaredariyê ava bikin. 

 

Qeyûmê Îdirê berê jî ji butçeya şaredariye û bi pereyên şaredariyê pirtûkxaneya bajar pêşkêşî Midûriyeta Turîzm û Çandê ya Îdirê kiribû. Dîsa kompleksa werzişê ya li Kolana Mermer a Taxa Sogutlu ji bo Midûriyeta Bajar a Werzîş û Ciwanan a Îdirê tahsîs kiribû. 

 

MA / Mujdat Can