NAVENDA NÛÇEYAN - TAJÊ, têkildarî qetilkirina Yenar Mihemed daxuyanî da û xwest ku ji bo ronîkirina bûyerê lêpirsîneke navneteweyî bê vekirin. 

 

Tevgera Azadiya Jinên Êzidî (TAJÊ) têkildarî qetilkirina Yenar Mihemed ku li Bexdayê di encama êrişa çekdarî de hate qetilkirin, daxuyanî da. TAJÊ, di daxuyaniyê de Yenar Mihemed bibîr anî û diyar kir ku Yenar jineke wêrek û têkoşer e. 

 

Bi domdarî TAJÊ wiha got:

 

“Me jineke têkoşer a xwedî kedeke bêhempa di tekoşîna jinan de winda kir. Em ji ber qetilkirina Yenar Mihemed hem xemgînin û hem jî bi hêrsin. Di lêgerîna heqîqeta jinan de jineke dilwêrek bû. Li hemberî qirkirina jinê, li hemberî zordariya mêr-dewletê serî rakir û tekoşîn meşand. Em di rojên pêşwazîkirina roja 8’ê Adarê de ne. Di demeke wiha de qetilkirina Yenarê ne rasthatinek e, li hemberî tekoşîna jinê sûcekî din ê aqlê mêr-dewletê ye. 

 

DI DOZA JINÊN ÊZIDÎ DE PÊŞENGTÎ DIKIR 

 

Jina wêrek Yenar Mihemed di têkoşîna meydanî de mînakeke bêhempa bû, wê jiyana xwe ji bo şerê li dijî pergala mêrsalar tekoşîna azadiya jinê ya civakî û siyasî veqetand. Rola wê ya dîrokî di gelek qadan de bihêz bû, bi taybetî di doza jinên Êzidî yên dîlgirtî de ku ew yek ji dengên herî pêşîn bû. Bêdengiya cîhanê ya li hemberî qirkirinê şikand û bi awayekî meydanî û hiqûqî têkoşîn meşand. Ji bona ku tawanên jenosîdê li qada navneteweyî bide naskirin û sûcdar bêne dadgehkirin, torên piştgiriyê ava kir da ku jinên rizgarbûyî biparêze û rûmeta wan a pîroz li wan vegerîne.”

 

Di tekoşîna jinê ew xwedî projeyên polîtîk bû, projeyek fikrî û pratîkî dimeşand ku armanca wê jinê ji rola qurbanî kirinê veguherînê rola pêşengiyê. Dixwest hemû sînorên paşketî û kevneperest ên ku rola jinê di civakê de paşguh dikirin ji holê rake û bi tûndî li dijî qanûnên ku cudakariyê kûr dikin sekinî. Ji bo jiyana jinên Iraqî biguherîne û wan ji tundiya hişmendiya dewlet û qanûnên wê biparêze li seranserî Iraqê bû xwedî kedeke mezin. 

 

DAXWAZA VEKIRINA LÊPIRSÎNA NAVNETEWEYÎ Û NAVXWEYÎ KIR

 

Kuştina Yenar Mihemed di vê demê de, hewildaneke tirsonek e ji bo vemirandina ramanên azad ên ku wê di dilê hezaran jinan de çandî. Em daxwaza vekirina lêpirsîneke navneteweyî û navxweyî ji bo qetilkirina Yenar dikin ku di zûtirîn demê de sûcdar bêne darizandin. Ji bo aşkera kirina kujeran û naskirina doza wê, weke dozeke raya giştî ya cîhanî û parastina mîrasa wê ya têkoşînê da ku saziyên wê di xizmeta jinan û bindestan de berdewam bin. 

 

KUŞTINA YENAR MIHEMEDÊ POLÎTÎK E 

 

Yenar Mihemed ne çalakvana jin a yekemîne di Iraqê de tê kuştin di salên borî de kuştina jinên pêşeng zêde bû, ev dide diyarkirin ku li Iraqê jinên ku ji bo mafê xwe têdikoşin ewlehiya jiyana wan nîne. Kuştina her jinekê polîtîke. Ji ber ku hêzên desthilat ji tekoşîna jinê ditirsin wê dikin hedefa xwe. Yenar Mihemed di oxira tekoşîna azadiya jinan de hat qetilkirin. Lê mîrasek li dû xwe hişt ku wê tu carî ji aliyê jinan ve neyê jibîrkirin. Wê tekoşîna wê ya ji bo jinên dîlgirtî û rizgarbûyî ji bo me hêza tekoşînê.

 

Em careke din ji malbata Yenar, hemû jinan û endamên rêxistina azadiya jinê re sersaxiyê dixwazin û dibêjin wê tekoşîna azadiya jinê berdewam bike.”