"Festîvala Koxê ya Gimgimê" ku navê xwe ji Girê Koxê yê navdar ê Gimgim a Mûşê digire piştî 12 salan tê liadaxistin. Festîvala ku di sala 2015’an de bi hinceta "ewlehiyê" hatibû qedexekirin, dê bi dirûşma "dê aştî bi hêza hunerê bê welatê rojê" tê lidarxistin.

 

Festîvala ku bi pêşengiya Şaredariya Gimgimê û bi beşdariya rêxistinên civakî ên navçeyê tê lidarxistin, dê di 7-8-9’ê Tebaxê de li Qada Koxê bê lidarxistin. Di festîvalê de li gel konseran, dê panelên li ser Pêvajoya Aştî û Civaka Demokratîk ku bi banga Rêberê Gelê Kurd Abdullah Ocalan a di 27’ê Sibata 2025’an de dest pê kiribû, talana ekolojîk û dîroka Gimgimê jî cîh bigirin.

 

GELEK SIYASETMEDAR, AKTIVÎST Û HUNERMEND DÊ BEŞDAR BIBIN

 

Dê di festîvalê de aktîvîsta Tevgera Jinên Azad (TJA) Sebahat Tuncel, Parlamenterê Îzmirê yê Partiya Wekhevî û Demokrasiya Gelan (DEM Parti) û Hevberdevê Komîsyona Ekolojiyê Îbrahîm Akin, Hevserokê Giştî yê Komeleya Mafên Mirovan (ÎHD) Cîhan Aydin, Hevserokê Giştî yê Komeleya Eleviyên Demokratîk (DAD) Zeynel Kete, parlamenterên Mûşê Sezaî Temellî û Sumeyye Boz, li gel gelek siyasetmedar û ekolojîstan beşdar bibin. Hunermendên ku dê derkevin ser dikê ev in: Navdar Denîz, Umut Gundyz, Firat Guneş, Bîlge Uygun, Dodan, Eylul Nazlier, Sîpan Xelat, Mizgîn Turhan, Denîz Esmer û Serhado.

 

Hevşaredarên Gimgimê Giyasettîn Aydemîr û Gulbahar Kaya di derbarê festîvala ku piştî 12 salan tê lidarxistin de axivîn û banga beşdariyê kirin.

 

PÊVAJOYA AŞTÎ Û CIVAKA DEMOKRATÎK

 

Giyasettîn Aydemîr diyar kir ku ev demeke dirêj e li Gimgimê festîval nayê lidarxistin û ji bo vê festîvalê wan bi rêxistinên civakî re hevdîtin kirine. Aydemîr bal kişand ser pêvajoya ku ji aliyê Abdullah Ocalan ve hat destpêkirin û ev tişt got: "Gela Gimgimê û gelê Kurd berxwedaneke mezin da. Pêwîst e aştiyeke birûmet bi dest bike. Ji bo gelên Tirkiye û Rojhilata Navîn aştiyeke birûmet pêwîst e. Wekî gelê Kurd em spasiya rêzdar Ocalan dikin. Pêwîst e em vê pêvajoya wî dest pê kiriye, veguehrînin aştiyek birûmet." Aydemît got ku serlêdanên fermî hatiye temamkirin û banga beşdariyê li gelê Gimgimê û bajêrên derdorê kir.

 

Hevşaredara Gimgimê Gulbahar Kaya jî ev tişt anîn ziman: "Em di pêvajoyeke girîng re derbas dibin. Ev festîval ji bo zindîhiştina çand û dîroka me girîng e. Ez bang li jin û ciwanan dikim ku beşdarî festîvalê bibin. Werin em li ser aştiyê biaxivin û zimanê xwe biparêzin."

 

BERNAME YA FESTÎVALÊ

 

Festîval dê di 7’ê Tebaxê roja Înê de bi meşeke bi def û zirneyê ji Otogara Navçeyê heta Qada Koxê dest pê bike. Bernameya festîvalê wiha ye:

 

7’Ê TEBAXÊ

 

Meşa Destpêka Festîvalê

 

Ji Otogara Navçeyê heta Qada Koxê meş û destpêka bi def û zirnê.

 

Saet: 10.00

 

Vekirina Pêşangehan

Wêne û Pêşangeha Hevbeş a Hunera Nûjên

Cih: Kooperatîfa Jinan a Gimgimê

Di saet 10.30’an de li Kolana Sofularê "Pêşangeha Sûret û Wêneyê " dê vebe û heta dawiya festîvalê dê vekirî be.

 

Gotûbêj: Wêrankirina Ekolojîk

Panelîst: Esra Işik (aktivîsta ekolojiyê), Çayan Dursun, Dêrsim Gul, Îbrahîm Akin (Parlamenterê DEM Partiyê)

Saet: 14.00 - 15.00

Cih: Baxçeyê Çayê yê Qada Gimgimê

 

Panel: Di Prsgirêka Kurd de Çareseriya Demokratîk

Beşdar: Sebahat Tuncel (Aktîvîsta TJA’yê), Parêzer Cîhan Aydin (Parêzvanê Mafên Mirovan), Zeynel Kete (Hevserokê Giştî yê DAD’ê)

Saet: 15.00 - 16.00

Cih: Baxçeyê Çayê yê Qada Gigimê

 

Konsera Destpêkê:

Komîteya Amadekar a Festîvalê

Silavkirina nûnerên saziyên mêvan

Axaftina Ozgur Yetîş Aslan (Serokê VADEF’ê)

Axaftina Hevşaredarên Gimgimê (Gulbahar Kaya - Giyasettîn Aydemîr)

Hunermend: Navdar Denîz, Umut Gunduz, Firat Guneş, Dodan

Saet: 19.00 - 24.00

 

8’Ê TEBAXÊ

 

Pêşangeh

Cih: Kolana Sofularê û Kooperatîfa Jinan a Gigmimê

Saet: 10.00

 

Panel: Komar û Kurd

Beşdar: Erdogan Aydin, Parêzer Sezgîn Tanrıkulu (Parlamenterê Yenî Partî)

Cih: Baxçeyê Çayê yê Şaredariyê

Saet: 16.00 - 17.00

 

Şahiya Zarokan û Atolyeya Boyaxkirinê

Cih: Qada Koxê

Saet: 17.30 - 18.30

 

Nîşandana Sînevizyonê

Belgefîlm - Sînevizyona Jeotermalê "Jeotermal Yetti Gari"

Beşdar: Murat Yuksel

 

Konser:

Hevserokên Navçeya Gimgimê

Sumeyye Boz (Parlamentera DEM Partiyê ya Mûşê)

Sezaî Temellî (Parlamenterê DEM Partiyê yê Mûşê)

Hunermend: Bîlge Rozeyy, Eylul Nazlier, Sîpan Xelat

 

9’Ê TEBAXÊ

 

Panel: Ji Sêwasê Heta Îro Têkoşîna Welatparêziyê ya Elewiyan

Beşdar: Mustafa Arslan (Serokê Giştî yê ABF’ê), Latîfe Ulutaş (Berpirsyara Herêmê ya Komeleya Pir Sultan)

Cih: Cemxaneya Gimgimê

Saet: 10.00

 

Gotûbêj: Rastiya Erdhejê - Di Dîrokê de Gimgim

Beşdar: Îskender Dîlek (akademîsyen), Salîh Cemal

Cih: Baxçeyê Çayê yê Şaredariya Gimgimê

Saet: 15.00 - 16.00

 

Panel û Dîwana Dengbêjan

 

Dengbêj: Dengbêj Marûf, Dengbêj Cahît, Dengbêj Selahattîn Guçtekîn, Dengbêj Fahrettîn Guçtekîn

Saet: 16.00 - 18.00

Cih: Mala Dengbêjan - Pasaja Şaredariyê

 

Konser:

 

Silavkirina Hevserokên DEM Partiyê yên Mûşê, Hevserokên DBP’ê yên Mûşê û Hevşaredarên Mûşê

Axaftina Hevşaredarên Gimgimê

Hunermend: Mizgîn Turhan, Denîz Esmer, Serhedo

 

MA / Can Kirbaş