
Meclisa Leşkerî ya Dêrazorê: Hêzên me ewlehiya 7 gundan girtin ser xwe 

2024-12-03 11:06:08


	NAVENDA NÛÇEYAN - Meclisa Leşkerî ya Dêrazorê ragihand ku hêzên wan li dijî gefa DAIŞ’ê kontrola 7 gundan li xwe girtine û hêzên xwe lê bi cih kirine.&nbsp;

	Fermandariya Meclisa Leşkerî ya Dêrazorê ya girêdayî Hêzên Sûriyeya Demokratîk (HSD) têkildarî pevçûnên li Dêrazorê daxuyaniyeke nivîskî weşand. Fermandariyê da zanîn ku hêzên wan li dijî gefên DAIŞ’ê ewlehiya 7 gundan li xwe girtine.&nbsp;

	&nbsp;

	Daxuyaniya li ser malpera înternetê ya HSD’ê hatiye weşandin wiha ye:&nbsp;

	&nbsp;

	“Li rojavayê Sûriyeyê di demên dawî de gelek bûyer diqewimin û heta herêmên çolistanî bandorek wan a cidî heye. Lewma ji ber van bûyeran metirsî heye ku bi taybetî li bakur û rojhilatê Dêrazorê li deverên ku valahiya ewlekariyê lê heye, şaneyên DAIŞ’ê bikevin nava liv û tevgerê.

	&nbsp;

	Ji ber vê metirsina cidî, em agahdariyê dikin ku hêzên me li gundên Salihiyye, Tabiyye, Hatla, Haşam, Marrat, Mazlum û Huseyniye yên li rojhilatê Dêrazorê berpirsyariya gelên herêmê girtiye ser xwe. &nbsp;

	&nbsp;

	Hêzên me li ser banga gelê herêmê ya li hemberî metirsiya ku çeteyên DAIŞ’ê geşedanên li rojavayê welat ji xwe re bike hincet û tevliheviyan derxîne, li van gundan hatine bicîhkirin.”

	&nbsp;