
Hejmara kesên li Japonyayê di erdhejê de mirîn derket 94’an 

2024-01-05 11:38:30


	NAVENDA NÛÇEYAN - Hejmara kesên li Japonyayê di erdhejê de jiyana xwe ji dest dayîn derket 94’an û aqûbeta 220 kesan jî nayê zanîn.&nbsp;

	&nbsp;

	Di navbera 1-4’ê çileyê de li Eyaleta Îşîkawa û qeraxê Nîvgirava Notoyê ya Japonyayê bi pileyên di navbera 4 û 7’ê de gelek erdhej çêbûn. Hêj jî erdhejok berdewam in û hejmara kesên jiyana xwe ji dest didin jî zêde dibin.&nbsp;

	&nbsp;

	Walîtiya Eyaleta Îşîkawayê ragihand ku di erdhejên herêmê de 94 kesan jiyana xwe ji dest dane û li seranserî herêmê zêdetirî 300 kes tên tedawîkirin.&nbsp;

	&nbsp;

	Hat diyarkirin ku li seranserî herêmê zêdetirî 40 kes di bin kavilan de ne û ji ber rêyên hatine girtin, nêzî 700 kes li cihên xwe asê mane.&nbsp;

	&nbsp;

	Her wiha hat gotin ku li seranserî herêmê aqûbeta zêdetirî 220 kesan nayê zanîn.&nbsp;

	&nbsp;