Kongreya DYA’yê bi rojeva ‘Rojava’ civiya

Parve bike:

NAVENDA NÛÇEYAN - Kongreya DYA’yê bi rojeva parastina gelê Kurd dicive. Foza Yûsifê têkildarî mijarê banga piştevaniyê li gelê Kurd û dostên wan kir. 

 
Kongreya DYA’yê, bi rojeva parastina mafê gelê Kurd ê li rojavayê Kurdistanê civiya. Di civînê de dê yasaya “parastina Kurdan” were nîqaşkirin û piştre jî tê payin biryar were dayin. 
 
Endama Konseya Hevserokatiya PYD’ê Foza Yûsifê têkildarî civîna li kongreyê ser hesabê xwe yê X’ê peyamek parve kir û got: “Dê îro di danê sibehê de di kongreyê de di Senatoya DYA’yê de yasaya parstina Kurdan bê nîqaşkirin. Divê hemû Kurd piştgiriyê bidin vê. Divê li ser vê xakê komkujiyên li dijî Kurdan êdî bi dawî bibin.” 
 
Piştî êrişên ser Bakur û Rojhilatê Sûriyeyê, Senatorê DYA’yê Lindsey Graham ji bo parastina mafên gelê Kurd ê li rojavayê Kurdistanê yasayek pêşkeşî Kongreyê kir.