Platforma Em ê Kuştinên Jinan Rawestînin (KCDP) ku 16 sal in der barê kuştina jinan de daneyan parve dike, daneyên meha Nîsanê belav kir. KCDP'ê daneyên meha Nîsanê ya der barê kuştina jinan de bi awayek nivîskî parve kir. Li gorî rapora KCDP'ê di meha Nisanê de 26 jin hatine qetilkirin û 23 jin jî bi awayekî biguman jiyana xwe ji dest dane.

 

Di kuştina 26 jinan de, 4 jin bi sedema aborî, jineke bi sedema lihevhatinê qebûl nekiriye, jinek bi sedema zarokê xwe bîne dinyayê hatiye kuştin. Li gorî raporê, mirina 20 jinan bi kîjan sedemê pêk hatiye nehatiye zelalkirin.

 

KCDP'ê diyar kir bi polîtîkayên desthilatê re jin nayên dîtin, bi sedema vê jî mirina 20 jinan bi kîjan sedemê pêk hatiye nehatiye zelalkirin. KCDPê destnîşan kir ku heke cezayên giran li faîlan neyê birîn û tedbîr neyên girtin tundî zêdetir dibe.

 

Li gorî rapora KCDP'ê 10 jin ji aliyê hevjînên xwe ve, 2 jin ji aliyê "hezkiriyên" xwe yên berê ve, 2 jin ji aliyê "hezkiriyên" xwe ve, jinek ji aliyê bavê xwe ve, jinek ji aliyê xizmê xwe ve, jinek ji aliyê kurê xwe ve û jinek ji aliyê nasê xwe ve hatiye kuştin. Di kuştina 6 jinan de jî nasnameya kujer nehatiye eşkerekirin.