
Xizmên windayan aqubeta Huseyîn Ertaş pirsîn

2022-07-02 13:19:38


	&nbsp;

	AMED – Di çalakiya ÎHD'ê ya Xizmên Windayan a Amedê ya vê heftê de aqubeta Huseyîn Ertaş hat pirsin. Çalakvanan ji bo çalakiya hefteya 700'emîn jî banga tevlîbûnê kirin.

	&nbsp;

	Şaxa Komeleya Mafên Mîrovan (IHD) a Amedê û Xizmên Windayan, di hefteya 699’emîn çalakiya xwe ya "Bila winda bên dîtin û faîl bên darizandin" li ber Bîrdariya Mafê Jiyanê ya li Parqa Koşûyolû ya navçeya Rezan Amedê li dar xistin. Endam û rêvebirin Komeleya Piştgirî û Piştevaniya Malbatên Girtî û Hikumxwaran (TUAY DER) a Amedê, Şaxa Sendîkaya Kedkarên Xizmetên Civakî û Tenduristiyê (SES) ya Amedê tev li çalakiyê bûn. Di çalakiyê de wêneyên windayan hatin hildan.

	&nbsp;

	Di çalakiyê de aqûbeta Hûseyîn Ertaş ku di 8'ê tîrmeha 1995’an de li navçeya Qoserê ya Mêrdînê ji aliye 4 kesan ve hatibû revandinê û hatibû şewitandin hat pirsîn.&nbsp;

	

	BANGAZIYA JI HEFTEYA BÊ&nbsp;

	&nbsp;

	Di çalakiyê de destpêkê rêvebira ÎHD Ezgî Sila Demîr axivî û erîşa ku hefteya borî li Qada Galatasarayê li dijî çalakiya Dayikên Şemiyê hatibû kirin şermezar kir û ji bo çalakiya hefteya 700'emîn a &nbsp;hefteya bê banga tevlîbûnê kir.&nbsp;

	&nbsp;

	'BI TOROSÊ JI MALÊ DERXISTIN'

	&nbsp;

	Piştre endamê Komîsyona Windayan a Şaxa ÎHD’ê ya Amedê Firat Akdenîz axivî û serpîhatiya Hûseyîn Ertaş xwend. Akdenîz, da zanîn ku Ertaş ji gundê Emrûdê yê navççeya Qoserê ye û 9 zarokên wî hebûne û wiha got: "Debara xwe bi sevaltî û cotkarî dikir. Timik li gund leşkeran gef li Ertaş dixwarin û cerdevaniyê lê ferz dikirin. Gundiyên Emrûd ku cerdevaniyê qebûl nakin ji gund derdikevin û gund ji aliyê leşkeran ve tê şevitandin. Malbata Ertaş jî ji gund derdikeve û li Qoserê bi cîh dibe. Piştî hatina Qoserê 4 kes bi çekan û wesayîta Torosê tên mala Ertaş û bi gefê wî dibin qeraqolê. Her çiqas malbata Ertaş ji qeraqolê dipirse bersiva 'Em nizanin, li ba me nîne' digire."

	&nbsp;

	'CENAZEYÊ WÎ ŞEWITANDIN'&nbsp;

	&nbsp;

	Di berdewamê de Akdenîz, diyar kir ku cenazeyê Ertaş bi awayekî şewitandî &nbsp;di 13 tîrmeha 1995'an de li navçeya Serêkaniyê ya Rihayê hatiye dîtin û ew tişt got: "Otopsiya Ertaş li Serêkaniyê li navendeke tenduristiyê tê kirin û piştre agahî didin malbata wî. Malbat cenazeyê Ertaş teşhîs dike û dibe gundê Emrûdê vêdişêre. Di sala 2006'an de jî malbat doz vedike û hê jî tu gavek nehatiye avêtin."

	&nbsp;

	Piştî daxuyaniyê çalakiya rûniştinê hat lidarxistin û çalakî bi dawî bû.&nbsp;

	&nbsp;