Lijneya Şêwrê ya HDP’ê ya nû hate diyarkirin

2022-07-03 15:43:01


	 

	ENQERE - 43 navên ku akademîsyen, nivîskar, rojnamevan, şanoger û civaknas jî di nav de ne ji bo Lijneya Şêwrê ya HDP’ê hatin diyarkirin.

	 

	5’emîn Kongreya Mezin a Asayî ya Partiya Demokratîk a Gelan (HDP) li Eywana Sporê ya Enqereyê pêk tê. Li ewyana ku bi deh hezaran kes beşdar bûn de kêliyekê jî coş nesikinî. Desteya Şêwrê ku biryara 5’emîn Konferansa Mezin a HDP’ê bû jî hate eşkerekirin. 

	 

	WÊ BI HEVSEROKAN RE BICIVIN

	 

	Lijneya Şêwrê ku ji 43 navên nivîskar, siyasetmedar, akademisyen û hunermendên hatin pêşniyarkirin di nav de hate avakirin. Ji bo Lijneya Şêwrê lîsteyeke bihêz hate çêkirin. Ev lijne wê dem bi dem bi hevserokan re hevdîtinê bike, di hin mijaran de wê polîtîkayên partiye nîqaş bike û wê rexne û pêşniyaran bike. 

	 

	Navên ku di Lijneya Şêwrê de cih digirin wiha ne: “Helbestvan Ahmet Tellî, Siyasetmedarê Kurd Ahmet Turk, Serokê Rûmetê yê Komeleya Mafên Mirovan (ÎHD) Akin Bîrdal, ji Doza Dev-Yolê Alî Alfatli, Rojnameger Alî Bayramoglû, Ayşe Erzen, Ayşegul Devecîoglû, Sosyolog Bulent Kuçuk, Akademîsyen Celîl Kaya, hevsera Mehmet Sîncar, Cîhan Sîncar, Rojnameger Erdogan Aydin, Hevseroka Damezrêner a HDP’ê Fatma Gok, nivîskar Ferda Koç, Akademîsyenê Aştiyê Gençay Gursoy, siyasetmedarên Kurd Halîl Aksoy, Hamît Geylanî, rojnamevan-nivîskar Hasan Cemal, nivîskar Kenan Kalyon, lîstikvan Kerem Firtina, akademîsyen Levent Koker, Mahmût Demîralp, rojnameger Mehmet Altan, akademîsyen Meral Camci, Mûstafa Kemal Coşkûn, Muzaffer Kaya, Nacî Kûtlay, siyasetmedarê kurd Nizamettin Togûç, Nurettîn Sozmez, aktivîst Nûrten Ertûlûç, hevberdevkê berê yê HDK’ê Onûr Hamzaoglû, aborînas Ozgur Muftuoğlu, dadgerê berê yê DMME'yê Riza Turmen, parêzer Several Ballikaya, akademîsyen Sevîlay Çelenk, siyasetmedarê berê Seyfî Ongîder, siyasetmedarê kurd Sirri Sakik, endamê Lijneya İmraliyê Sirri Sureyya Onder, şanoger Sureyya Karacabey, akademîsyen Şebnem Ogûz, dîroknas Tarik Ziya Ekîncî, siyasetmedarê Kurd Velî Büyükşahin, hevserokê damezrîner ê HDP'ê Yavuz Onen, akademîsyen Zerrîn Şahîn Kurtoglû.”