
Di şahiyên gel de banga şikandina tecrîdê hate kirin

2022-08-14 20:27:46


	STENBOL - Di şahiyên gel ku KCD’ê, TJA’yê, DBP’ê û HDP’ê bi dirûşmeya “Li dijî mêtîngeriyê azadiya civakî” li gelek navçeyan li dar xistin de bal kişandin ser tecrîda li ser Rêberê PKK’ê Abdullah Ocalan.

	&nbsp;

	Kongreya Civaka Demokratîk (KCD), Tevgera Jinên Azad (TJA), Partiya Herêmên Demokratîk (DBP) û Partiya Demokratîk a Gelan (HDP) bi dirûşmeya “Li dijî mêtîngeriyê azadiya civakî” li navçeyên Sûltanbeylî, Esenler û Bagcilarê yên Stenbolê şahiyên gel lidarxistin.&nbsp;

	&nbsp;

	Endamên TJA’yê, birayê yek ji fermandarên ewil ê PKK’ê Mahsûm Korkmaz (Egîd), Fahrî Korkmaz, Hevserokên HDP’a Sûltanbeyliyê, endamê Meclîsa HDP’ê Cengîz Topbaşli, endamên MATUHAY-DER û ANYAKAY-DER’ê, Dayikên Aştiyê, malbatên girtiyan û gelek kes tev li şahiya li avahiya HDP’a Sûltanbeyliyê hate lidarxistin bûn. Li cihê ku şahî lê hate lidarxistin pankartên “Ji vejînê heta azadiyê ber bi serkeftinê ve dimeşin” , “Azadî şertê jêveneger ê hebûna me ye, em tecrîdê bişkînin û azadiyê pêk bînin” hatin daliqandin û dirûşmeya “Şehîd Namirin” hate berzkirin.

	&nbsp;

	Şahî bi deqiqeyekê rêzgirtina ji bo kesên di têkoşîna demokrasî û azadiyê de jiyana xwe ji dest dan dest pê kir.&nbsp;

	&nbsp;

	Dû re Hevserokên HDP’a Sûltanbeyliyê Fîlîz Aydin û Alamettîn Demîr kesên di têkoşîna şoreşê de jiyana xwe ji dest dane bi bîr anî û diyar kir ku wê têkoşîna xwe bidomînin.&nbsp;

	&nbsp;

	‘TÊKOŞÎNA AZADIYÊ DIDOME’

	&nbsp;

	Endamê Meclîsa HDP’ê Cengîz Topbaşli jî bi bîranîna kesên di Komkujiya Dîgorê de jiyana xwe ji dest dane dest bi axaftina xwe kir. Topbaşli, diyar kir ku di têkoşîna azadiyê û şoreşê de bi salane li dijî hemû zextan têkoşînekê bi rê ve dibin û da zanîn ku heta niha gavek jî paş ve neavêtine.&nbsp;

	&nbsp;

	‘EM Ê TECRÎDÊ BIŞIKÎNIN’

	&nbsp;

	Topbaşli, da zanîn ku hewl didin tevgera siyasî ya kurd bimehînin û wiha got: “Desthilat bi polîtîkayên xwe yên li dijî kurdan &nbsp;di şerê li Zap û Avaşînê de têk çû. Li dijî vîna li Rojava heft dewêl bi hev re dimeşin. Nekevin nava xafiliya ku Amerîka û Rûsya piştgiriya tevgera azadiyê dike. Yekane çavkaniya şoreşê gelê me û hêza me bi xwe ye. Em têkneçûn û em ê tekneçin. Divê em teqez plan û armancan pêk bînin. Kesên ku tevgera siyasî ya kurd hesab nekirin têk çûn. Em ê teqez bi ser kevin.”

	&nbsp;

	Piştî axaftinan ciwanekî di Meclîsa Ciwanan a HDP’ê de cih digire helbesteke kurdî xwend. Di dawiya şahiyê de hunermend Onûr Evîn stranên xwe peşkeş kirin û beşdarvanan jî tevî stranan govend gerandin.

	&nbsp;

	BAGCILAR

	&nbsp;

	Endamên Meclîsa HDP’ê, rêveberên HDP’ê yên navend û navçeyan, endamên MATUHAYDER û ANYAKAY-DER’ê û endamên Meclîsa Ciwanan a HDP’ê beşdarî şahiya li avahiya HDP’a Bagcilar hate lidarxistin bûn. Di şahiyê de pankarta “Ji vejînê heta azadiyê em ber bi serkeftinê ve dimeşin” hate daliqandin.&nbsp;

	&nbsp;

	Beriya şahiyê civîneke ku ji çapemeniyê re girtî û gelek kes tev li bûn hate lidarxistin. Piştî civînê beşdarvanan dirûşmeyên “PKK şer dike” , “Zap, Avaşîn Metîna silav ji te re gerîla” , “Bê serok jiyan nabe” berzkirin.&nbsp;

	&nbsp;

	Dû re hunermendên Navenda Çanda Mezopotamyayê (NÇM) stran gotin. Beşdarvanan tevî stranan govend gerandin û dirûşm berzkirin.&nbsp;

	&nbsp;

	Şahî bi berzkirina dirûşmeyan bi dawî bû.&nbsp;

	&nbsp;

	ESENLER

	&nbsp;

	Hevberdevkê DBP’ê yê Marmarayê Atîlla Ozdag, endama Meclîsa DBP’ê Fatma Yenî û gelek kes jî tev li şahiya li avahiya HDP’a Esenlerê hate lidarxistin bûn. Di şahiyê de pankarta “Ji vejînê heta azadiyê em ber bi serkeftinê ve dimeşin” hate daliqandin.&nbsp;

	&nbsp;

	Piştî axaftinan hunermendên Navenda Çanda Mezopotamyayê (NÇM) stran gotin. Beşdarvanan tevî stranan govend gerandin.&nbsp;

	&nbsp;

	Şahî bi çepikan bi dawî bû.&nbsp;

	&nbsp;