
Komeleya Şêx Seîd dê giliyê Umît Ozdag bike 

2022-08-15 13:00:57


	AMED - Serokê Komeleya Şêx Seîd Kasim Firat diyar kir ku ew ê giliyê Serokê Giştî yê Partiya Zaferê Umît Ozdag ku heqaret li Şêx Seîd kiribû, bikin.&nbsp;

	&nbsp;

	Serokê Giştî yê Partiya Zaferê Umît Ozdag duh li ser hesabê xwe yê Twiterê heqaret li rêberê kurd Şêx Seîd kiribû. Bikarhenerên Twitterê bertek nîşanî Ozdag dan.&nbsp;

	&nbsp;

	‘BEHR BI DEVÊ KUÇIK NAHERIME’&nbsp;

	&nbsp;

	Serokê Komeleya Şêx Seîd û Hevalên wî Kasim Firat jî li ser hesabê xwe yê Twitterê bertek nîşanî Ozdag da û got: “"Behr bi devê kuçik naherime. Yên ku ziman dirêjî Şêx Seîd Efendî dikin û heqaretê lê dikin bila baş bizanibin, me qet li dijî van zalimên ceberût serî netewand. Şêx Seîd Efendî rûmeta gelê kurd û yên pê bawer dikin e. Ez bawerim wê kurd bersiva faşîstên çêrok bidin.”

	&nbsp;

	‘HEDÊ XWE DERBAS KIRIYE’&nbsp;

	&nbsp;

	Me têkildarî mijarê xwe bi telefonê gihand Kasim Firat û derbarê mijarê de wiha got: “Tişta ku ev zilam dike êdî hedê xwe derbas kiriye. Em nizanin çi dixwaze û li ser navê kê dixebite. Li gel ku tu eleqeya kalikê me û nirxê gelê kurd Şêx Seîd bi mijarê re nîne jî lê radibe heqaretê lê dike. Em wek warisên wî û komeleyê, derbarê Umit Ozdag de gilî bikin.”&nbsp;

	&nbsp;

	Firat anî ziman ku ew ê ji sûcên “xelkê berpêşî kîndariyê û dijminatiyê dike û biçûkxistinê” û “heqaret kiriye” giliyê Umît Ozdag bikin.&nbsp;

	&nbsp;