
Sancar: Ev budçe, budçeya xatirxwestinê ya desthilatê ye 

2022-12-05 18:07:53


	&nbsp;

	ENQERE - Hevserokê Giştî yê HDP'ê Mîthat Sancar diyar kir ku di budçeya 2023'yan de herî zêde budçeya ji bo şer û lobiyên faîzê hatiye veqetandin û wiha got: "Ev budçe, budçeya we ya xatirxwestinê ye."&nbsp;

	&nbsp;

	Hevserokê Giştî yê Partiya Demokratîk a Gelan (HDP) Mîthat Sancar, li Desteya Giştî ya Meclîsê di hevdîtinên Pêşniyaza Qanûna Budçeya Navendî de axivî.&nbsp;

	&nbsp;

	Sancar di axaftina xwe de ya li Desteya Giştî ya Meclîsê bilêv kir ku neçareserkirina meseleya kurdî û siyaseta şidetê her diçe bêtir dibe sedema mirina mirovan û krîzê û wiha got: "Gelo ev desthilat bi vê budçeyê dixwaze çi bike, armanca wê çi ye? Bi budçeya navendî ya 2023'yan budçe herî zêde ji bo şer û lobiyên faîzê hatiye veqetandin. Ev desthilat dixwaze bi bacên ji gel distîne 565,5 milyar TL bide lobiyên faîzê û 468,7 milyar TL jî bide lobiyên şer. Yanî di çarçoveya dahatên budçeyê de ji 3 TL'yê bacê ya ji gel tê stendin, lîreyk jê ji lobiyên faîzê û baronên şer re ye. Ji 3 nanên paya sifreya bi milyonan kedkar û karkeran dikevin, diçin ji van her du lobiyan re."&nbsp;

	&nbsp;

	Sancar di berdewama axaftina xwe de wiha got: "Ev budçe, budçeya we ya xatirxwestinê ye."&nbsp;