
Li Fransayê li dijî reforma teqawidiyê çalakiyên blokajê hatin kirin  

2023-03-23 14:10:22


	NAVENDA NÛÇEYAN – Çalakiyên blokajê ku li Fransayê li dijî bilindkirina temenê teqawîdiyê hatine destpêkirin, roj bi roj mezintir dibin.&nbsp;

	&nbsp;

	Li dijî reforma teqawidiyê ya Fransayê, li seranserî welat li depoyên petrolê, bendergeh, rê û rêhesinan çalakiyên blokajê hatin kirin. Her wiha di gelek sektoran de jî grev hene. Hikûmetê, temenê teqawidbûnê ji 62’yan derxist 64’an û sendîkayan jî ji meha çileyê heta niha 9’emîn greva neteweyî da destpêkirin.&nbsp;

	&nbsp;

	STASYONÊN SOTEMENIYÊ

	&nbsp;

	Çalakiyên blokajê bandor li depoyên petrolê, bendergeh, rê, rêyên hewayî, sektora gazê û zanîngehan kir. Di asta neteweyî de li piraniya stasyonên sotemeniyê astengî heye.

	&nbsp;

	BENDERGEH

	&nbsp;

	Li ser banga 'bendergehên mirî' ya sendîkaya CGT'ê, temamiya bendergehên Marseîlle-Fos û Brestê hatin bloqekirin. Li gelek bendergehên din jî çalakiyên blokajê hene.

	&nbsp;

	RÊYÊN BEJAHÎ

	&nbsp;

	Li ser rê jî çalakgeran palet û lastîk şewitandin. Gelek rêyên bejahî hatin girtin.

	&nbsp;

	SEFERÊN TRENÊ

	&nbsp;

	Seferên trenê bi taybetî li gelek garên li başûrê welêt bi temamî sekinîn. Toûloûse, Montpellîer û Nîmes ji bajarên sereke ne. Saziya rêyên hesinî ya neteweyî SNCF kete bin bandoreke giran a grevê. Rêjeya xebatkarên SNCF'ê ku diyar kirin tevlibûna grevê gihiştiye ji sedî 35’an.&nbsp;

	&nbsp;

	Li RER'ê jî seferên trenê yên herêmî dike û metroya Parîsê jî di asteke giran de asteng bûne.

	&nbsp;

	OTOBUS

	&nbsp;

	Di serî de Parîs li gelek bajaran depoyên otobusan hatin bloqekirin. Li hin deveran li ber deriyên depoyan bend hatin danîn.

	&nbsp;

	SEKTORA GAZÊ

	&nbsp;

	Li sektora gazê jî devê termînala Dûnkerqûe ya li bakurê welêt ji bo 24 saetan hate girtin. Li depoyên gazê jî çalakiyên blokajê hene.

	&nbsp;

	ZANÎNGEH

	&nbsp;

	Gelek zanîngeh ji aliyê xwendekaran ve hatin bloqekirin. Li Lyon, Parîs, Saînt-Etîenne, Roûbaîx, Toûloûse û gelek bajarên din xwendekar tev li çalakiyên blokajê bûn.

	&nbsp;

	BERMAYÎ Û SERGO

	&nbsp;

	Li Parîsê xebatkarên paqijiyê greva ku di 6'ê adarê de dan destpêkirin heta roja duşemê dirêj kirin. Hin febrîqeyên şewitandinê hatin bloqekirin. Ji sêşemê û pê ve li gorî Şaredariya Parîsê li bajêr 9 hezar û 500 ton sergo kom bû. Li hin bajarên din jî bi qamyonên ku sergo kom dikin, çalakiyên sabotajê hatin lidarxistin.

	&nbsp;

	TRAFÎKA HEWAYÎ

	&nbsp;

	Her wiha li qada trafîka hewayî jî çalakiyên blokajê têne kirin.

	&nbsp;