Nasnameya 35 zarokên ji bin kavilan hatine derxistin nehatiye tespîtkirin 

2023-03-29 21:25:59


	 

	 

	NAVENDA NÛÇEYAN - Wezareta Xizmetên Malbat û Civakê, daxuyand ku hê jî nasnameya 35 zarokên ku ji bin kavilên erdhejên Mereşê hatine derxistin nehatiye tespîtkirin. 

	 

	Wezareta Xizmetên Malbat û Civakê, têkildarî rewşa zarokên mexdûrên erdhejên Mereşê de daxuyaniyek belav kir. Li gorî daneyên wezaretê, hezar û 915 zarokên ji bin kavilan hatine derxistin. 

	 

	Di daxuyaniyê de hatiye destnîşankirin ku hezar û 766 zarok radestî malbatên wan hatine kirin, 81 zarok li saziyên lênihêrînê hatine bicihkirin û dermankirina 62 zarokan jî didome.

	 

	Her wiha wezaretê diyar kir ku hê jî nasnameya 35 zarokên ku ji bin kavilên erdhejên Mereşê hatine derxistin nehatiye tespîtkirin.