
Malbata Şenyaşar: Heya ev bêedaletî bi dawî nebe dê têkoşîna me bidome 

2023-03-30 20:54:54


	&nbsp;

	RIHA - Malbata Şenyaşarê ku di roja 738'an a Nobeda Edaletê de li ber edliyeyê fitirî, got: "Heya ev bêedaletî bi dawî nebe dê têkoşîna me bidome."&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjînê Emîne Şenyaşarê û du kurên wê hatibûn qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’ê de li pêşiya Edliyeya Rihayê dest bi çalakiya Nobeta Edaletê kiribûn. Çalakiya Malbata Şenyaşarê di roja 738’an de berdewam dike.

	&nbsp;

	Malbata Şenyaşarê di roja 738'an a Nobeda Edaletê li li ber Edliyeya Rihayê fitara xwe kir. Rêxistin a Partiya Karkeran a Tirkiyeyê (TÎP) a Rihayê bû mêvanê sifreya fitarê ya malbatê.&nbsp;

	&nbsp;

	Serokê TÎP'ê yê Rihayê Îbrahîm Halîl Şansal piştî fitarê axivî. Şansal destnîşan kir ku helwesta desthilatê ya ji bo daxwaza malbata Şenyaşarê nayê qebûlkirin û xwest guh li daxwaza malbata ya ji bo edaletê bê kirin.

	&nbsp;

	Ferît Şenyaşar jî got: "Heya ev bêedaletî bi dawî nebe dê têkoşîna me bidome."&nbsp;