
Malbatên Windakiriyan xwestin faîlên Bûlmûş bên darizandin 

2023-04-01 14:08:06


	&nbsp;

	AMED - Malbatên Windakiriyan û ÎHD’ê xwestin ku faîlên Ahmet Bûlmûş ê di sala 1994’an de li navçeya Cizîrê hate binçavkirin û windakirin û piştî 2 salan cenazeyê wî li navçeya Silopiyayê di bîrekê de hate dîtin bên darizandin.&nbsp;

	&nbsp;

	Şaxa Komeleya Mafên Mirovan (ÎHD) a Amedê û Malbatên Windakiriyan çalakiya 738’emîn a “Bila windakirî bên dîtin, faîl bên darizandin” li ber Bîrdariya Mafê Jiyanê yê Parka Koşûyolû ya navçeya Rezan a Amedê li dar xistin. Di çalakiya ku pankarta wêneyên windakiriyan li ser hate hilgirtin de çîroka Ahmet Bûlmûş ê di 1’ê nîsana 1994’an de li navçeya Cizîrê hate windakirin û piştî 2 salan cenazeyê wî li navçeya Silopiyayê di bîrekê de hate dîtin hate parvekirin.&nbsp;

	&nbsp;

	Nûnerê ÎHD’ê yê Herêmê Tahîr Saçakli diyar kir ku 738 hefte ne mirovên ku hatine kuştin bi bîr tînin û anî ziman ku li Tirkiyeyê herkes daxwaza edalet û aştiyê dike.&nbsp;

	&nbsp;

	Dû re Endama Lijneya Rêveberiya Şaxa ÎHD’a Amedê Jiyan Ormanli çîroka Ahmet Bûlmûş xwend.&nbsp;

	&nbsp;

	Piştî xwendina çîrokê daxuyanî bi çalakiya rûniştinê bi dawî bû.&nbsp;

	&nbsp;

	ÊLIH&nbsp;

	&nbsp;

	Li Êlihê jî Malbatên Windakiriyan û endamên Şaxa ÎHD’a Êlihê di hefteya 574’emîn a çalakiya xwe de li ber Bîrdariya Mafên Mirovan a li ser Cadeya Gulistanê hatin bahev. Di çalakiya ku pankarta “Bila windakirî bên dîtin, faîl bên darizandin” û wêneyên windakiriyan hatin vekirin de vê hefteyê aqûbeta Mahmût Demîrel ê di 2’yê nîsana 1994’an de li bajêr ji aliyê kesên “nasnameya wan nediyar ve” hate revandin û pişt re agahî jê nehatin girtin hate pirsîn.&nbsp;

	&nbsp;

	

	&nbsp;

	Rêveberê Şaxa ÎHD’a Bajêr Ahmet Şîray ê diyar kir ku heta hemû winda neyên dîtin wê çalakiya wan berdewam bike û çîroka Mahmût Demîrel xwend. &nbsp;

	&nbsp;

	Daxuyanî bi çalakiya rûniştinê bi dawî bû.&nbsp;

	&nbsp;

	&nbsp;